• Home »
  • Habarho »
  • Рамазон Раҳимзода ба қонунгузории ҶТ ворид намудани ислоҳотро пешниҳод намудааст

Рамазон Раҳимзода ба қонунгузории ҶТ ворид намудани ислоҳотро пешниҳод намудааст

Минбаъд барои сурат гирифтан ё ба навори видео сабт кардани ҷараёни бартараф намудани офати табиӣ, сӯхтор ва садама ҷазо дода мешавад. Дар ин хусус санаи 21 июл Вазири корҳои дохилии ҶТ Рамазон Раҳимзода дар конфронси матбуотӣ хабар додааст. Инчунин ӯ гуфт, ки ташкил намудани ҷавобгарии ҷиноӣ барои шаҳрвандоне мебошад, ки бартараф намудани офатҳои табиӣ, сӯхтор ва садамаро сурат мегиранд ва ё ба навори видео сабт мекунанд ворид карда мешавад. Вазир ҳолати ба қариби шуда гузаштаро ёдоварӣ кард — сӯхтор дар бозори «Корвон»- и шаҳри Душанбе: «Нафарони зиёде бекорхӯҷаҳо дар ҷои ҳодиса ҷамъ шуда сӯхторро ба камера сабт мекарданд, бо ин ба кормандони зидди сӯхтор барои бартараф намудани  ҷои даргирифта истода халал мерасонданд», гуфт ӯ. Раҳимзода қайд намуд, ки ба қонунгузории ҶТ ворид намудани ислоҳот қарор қабул гардид, ки барои чунин ашхосе, ки ба бартараф намудани офатҳои табиӣ ё ҳалокатҳо халал мерасонанд ҷавобгарӣ таъйин мегардад.

Ёдрас мекунем, ки сӯхтор дар бозори «Корвон» шаби 2 июл ба вуқӯъ пайваст. Тибқи маълумоти расмӣ сабаби сӯхтор расиши кӯтоҳ будааст, ки бо ин коргарони зарардидаи бозор рози нестанд. Чи хеле ки коргарони бозор қайд намуданд, таъминоти қувваи барқ дар бозор соати 15:30 дақиқа хомӯш карда мешавад, сӯхтор бошад соати 20:30 дақиқа бо вақти маҳаллӣ оғоз ёфтааст.

Инчунин шоҳидони ҳодиса мегӯянд, ки кормандони ҳифзи ҳуқуқ ва зидди сӯхтор дар вақти сӯхтор бемасъулиятӣ  намудаанд.

Сафар, яке аз шоҳидони сӯхтор дар хусуси бад ба роҳ монда шудани хадамоти зидди сӯхтор мегӯяд: «Кормандони зидди сӯхтор фавран ба ҷои ҳодиса омаданд, вале онҳо ба назди бозор омадан метарсиданд. Обро аз роҳи асосӣ мекашиданд, ки ин аз ҷои сӯхтор дур буд. Гоҳ-гоҳ қатраҳои  об ба ҷои сӯхта истода мерасид».

Инчунин дар бозор кормандони ҳифзи ҳуқуқ низ хеле зиёд ба чашм мерасид, ки бо аҳолӣ такаллуф намекарданд. Шоҳиди дигаре соҳибкор Умар нақл мекунад: «Дар оғоз оташ суст буд ва мо метавонистем молҳои худро раҳоӣ кунем. Вале кормандони ҳифзи ҳуқуқ қаторҳои даромадгоҳро иҳота намуда,  ба дарун даромадан касеро намондаанд. Ягон чизро раҳоӣ карда натавонистем. Акнун чи фоидаест, ки суми иҷораро аз мо намегиранд. Зеро мо на мол дорему на сум».

Шоҳидиҳои зерин ба хулосае такон медиҳад, ки мақсадҳои асосӣ аз ворид намудани ислоҳот ба қонунгузорӣ аз тарафи Раҳимзода барои ба ҷавобгари кашидани ашхосе, ки бартараф намудани офатҳои табиӣ ва ҳалокатҳоро ба сурат ё навор мегиранд,  чи гуна аст.