• Home »
  • Habarho »
  • Режими Раҳмон тақвими Исломиро таҳриф намуд

Режими Раҳмон тақвими Исломиро таҳриф намуд

Дар Тоҷикистон имсол Иди Фитр санаи 26 июн ҷашн гирифта шуд. Қарори мазкур аз тарафи Шӯрои Уламои маркази исломии Тоҷикистон қабул гардид.

Маҷлиси Шӯрои Уламо санаи 22 июн дар маркази Исломии шаҳри Душанбе баргузор гардида буд. Дар маҷлис аз тарафи намояндаи Шӯрои Уламо аз оғоз гуфта шудааст, ки намози Иди Фитр дар масҷидҳои ҷомеъ ва масҷидҳои ҷумъахонӣ санаи 26 июн соати 6 субҳ баргузор мегардад.

Ҳамаи ин дар замоне рӯӣ додааст, ки аксарияти мусулмонон бо эълони рӯзи Иди Фитр шитоб накардаанд. Зеро тибқи Ислом тамомшавии моҳи Рамазон бо дидани ҳилоли нав ба итмом мерасад. Дар натиҷа мусулмонони тамоми ҷаҳон Иди Фитрро санаи 25 июн ҷашн гирифтаанд, дар Тоҷикистон бошад расман ҷашнгирии Иди Фитр санаи 26-27 июн баргузор гардид.

Бояд қайд намуд, ки ин бори аввал нест ва мусулмонони Тоҷикистон фарорасӣ ва ба итмом расидани моҳи Рамазонро аз дигар мусалмонони ҷаҳон ҷудошуда ҷашн мегиранд. Дар қарори зерин хоҳиши режими Раҳмон барои ҷудо кардани мусулмонони Тоҷикистон аз Уммати Исломӣ мушоҳида карда мешавад.