• Home »
  • Habarho »
  • Сокини Тоҷикистон: «Ман диндорам ва ҳамеша ҳиҷоб мепӯшам»

Сокини Тоҷикистон: «Ман диндорам ва ҳамеша ҳиҷоб мепӯшам»

Сокини ноҳияи Бобоҷон Ғафурови вилояти Суғд Муҳаббатхон Давлатоваро вақтҳои охир барои пӯшидани ҳиҷоб ду маротиба дастгир намуданд.

Муҳаббатхонро санаи 26-уми сентябр дар рафти рейд, ки дар бозори «Панҷшанбе»-и шаҳри Хуҷанд баргузор гардида буд, дастгир намуданд. «Ба ман таҳдид намуданд, ки ба шӯъбаи милиса мебаранд ва дар онҷо ман бояд эзоҳнома нависам. Вақте ба онҳо гуфтам, ки аз болояшон ба прокуратураи генералӣ шикоят мекунам, маро раҳои намуданд», мегӯяд ӯ.

Муҳаббатхон мегӯяд, ки се моҳ пеш дар бозори «Атуш» ба ӯ бо тарзи дағалона «маслиҳат» доданд, ки аз «либоси ба тоҷикон бегона» эъроз кунам. Вале ӯ фурсатро аз даст надода ба прокуратураи ноҳияи Бобоҷон Ғафуров ариза навиштааст. Аммо, дар прокуратураи ноҳиявӣ ҳаракати кормандони милисаро дар чорчӯбаи қонун эътироф намуданд.

Муҳаббатхон мегӯяд, ки ӯ диндор асту ҳама вақт ҳиҷоб мепӯшад ва касе ӯро аз фикраш гардонида наметавонад.