• Home »
  • Habarho »
  • Таъқиб ва тазйиқ нисбати хешовандони дигарандешон

Таъқиб ва тазйиқ нисбати хешовандони дигарандешон

Ташкилоти байналхалқии ҳимоятгари ҳуқуқи машҳури «Human Rights Watch» ва Кумитаи Норвегияги Хелсинки бори дигар ҳукумати Тоҷикистонро оиди таъқиб накардани оилаҳои мухолифин даъват намуд.

«Ҳукумати Тоҷикистон хешовандони 10 нафар фаолони мухолифатро, ки дар конфронси санаи 9 — уми июли соли 2017 дар Олмон оиди «бо роҳи осоиштагӣ иҷро намудани ҳуқуқҳояшон» иштирок карда буданд, дастгир намуда бозпурсӣ ва таҳдид намуд», — гуфта мешавад дар баёноти ташкилотҳои ҳимоятгарони ҳуқуқ.

Аз ҷониби фаолони мухолифин дар хусуси 10 ҳодисаи таҳдид нисбати оилаҳои онон ки дар шаҳру навоҳии кишвар зиндагӣ ба сар мебаранд тафсилотҳоеро пешниҳод намуданд. Тибқи баёнияи фаолон, дар вақти дастгир намудани оилаҳои мухолифин аз тарафи кормандони хадамоти махсус якҷоя бо мансабдорони маҳаллӣ дар назди мардум онҳоро хиҷолатманд намуда, берун аз шаҳр баромаданро манъ намуда, бо муҳосира намудани амволи оилаҳои мухолифин таҳдид карданд.

Аз тарафи Вазири корҳои дохилӣ Рамазон Раҳимзода санаи 21 июл дар конфронси матбуотӣ оиди ҳодисаи зерин чунин шарҳ дода шуд:

«Таъқиб намуданд, ин чӣ маънӣ дорад? Агар онҳоро барои шоҳиди додан ё ин ки маълумот гирифтан даъват намоянд, ин маънои таъқибро надорад. Агар дар вақти пурсиш номуси онҳоро таҳқир карда бошанд, ин дигар мавзӯъ. Вале аз тарафи хешовандони наздики гурӯҳҳои мамнӯъ ба мо арзу шикоят наомадааст».

Аз ин рӯ, таъқиб намудани хешовандон ва наздикони шахсоне, ки ба режими кунуни номатлубанд, навигарӣ нест. Чунин амали хомӯш кунондани дигарандешӣ дар таҷрибаи режими Раҳмон ду се сол мешавад, ки васеъ татбиқ карда мешавад.

Ҳамин тавр, моҳи декабри соли гузашта аз тарафи хадамоти қудрати маҳкумшуда Раҳматуллои Раҷаб, падари хабарнигори телевизиони мухолифини Payom.net Шуҳрати Раҳматулло ки 28 сол аз озодӣ маҳрумгаштаро ба шиканҷаи шадид қарор дода буданд. Пешакӣ ӯро дар камераи алоҳида ҷойгир намуда, сахт кӯфта, мегуфтанд, ки ин ниқор барои хабаргузории писараш мебошад. Ғайр аз ин, модари ӯ низ ба пурсиши дарозмуддати мақомот қарор гирифта буд. Инчунин пас аз гузаронидани намоиши эътирози аз тарафи фаолони мухолифин дар шаҳри Прага соли 2016, хешовандони онҳо низ ба шиканҷа қарор гирифта буданд.

Ғайр аз ин, хешовандон ва наздикони маҳкумшудагон ва гумонбаршудагони динӣ низ аз тарафи мақомоти қудратии режим ба шиканҷаҳои шадид гирифтор мешаванд, ки аксарияти онҳо интишор намешаванд. Илова бар ин, тибқи гуфтаҳои манбаи мо, ки ифшо накардани номашро хостааст, 3-4 моҳи охир аз тарафи имом-хатибони дарборӣ   дар хутбаҳои намози ҷумъа таклифҳо карда мешавад, ки оиди дигарандешон чораҳои дастаҷамъӣ андешида шавад.