• Home »
  • Habarho »
  • Тӯҳматҳои навбатӣ нисбати Тоҷикистониён

Тӯҳматҳои навбатӣ нисбати Тоҷикистониён

Шаҳрвандони Тоҷикистон як бори дигар қурбониёни тӯҳмат аз тарафи хадамотҳои махсуси рус гаштаанд. Ҳамин тавр, 14 август дар шаҳри Маскав бо айби тайёр намудани як қатор таркишҳо дар пойтахти Русия шаҳрвандони Тоҷикистон дастгир шудаанд. Чи тавре ки ВАО-и Русия хабар додааст, Сиёвуши Давронзода, Сулаймон Бурҳонов ва Давлатёр Ҳоҷиев то 11 октябр пушти панҷара гирифта шудаанд.

Оҷонсии иттилоотӣ «Интерфакс» такя ба санадҳои парвандаи ҷиноӣ, ки дар суд эълон гардидааст қайд менамояд, ки ҳар сеи айбдоршавандагон шаҳрвандони Тоҷикистон мебошанд.

Ба ақидаи ФСБ-и Русия шаҳрвандони Тоҷикистон гӯё дар шаҳри Маскав як қатор амалиётҳои террористӣ бо истифода аз бомбаҳои пурқувват гузарондан мехостанд.

Ёдрас мекунем, ки вақтҳои охир хадамотҳои махсуси Русия шаҳрвандони Осиёи Марказиро ҳамчун «зоғи сиёҳ» ба нишон гирифтанд. Парвандаҳои ҷиноӣ нисбати муҳоҷирон бо айби терроризм зуд-зуд бофта шуда истодааст, зимнан бофта будани айбҳои мазкур ба ҳеҷ кас пӯшида нест. Вале ҳукуматдорони кишварҳои Осиёи Марказӣ нисбати  ҷиноятҳои зерин хомӯширо пеш гирифта, шаҳрвандони худро пуштибонӣ намекунанд.

Коршиносон қайд менамоянд, ки хадамотҳои махсуси Русия зерфуни «пешгирии амалиётҳои террористиро» ташкил мекунанд, то ин ки муҳити тарс дар кишвар боқӣ монад ва бо ин вазъияти режимро мустаҳкам намуда, муқобили рӯҳияи мухолифин дар ҷомеа истодагарӣ мекунанд.