• Home »
  • Habarho »
  • Форуми ҳамкориҳои иқтисодии араб бо кишварҳои Осиёи Марказӣ

Форуми ҳамкориҳои иқтисодии араб бо кишварҳои Осиёи Марказӣ

Дар кушодашавии форуми дуюми ҳамкориҳои иқтисодии араб бо кишварҳои Осиёи Марказӣ ва Озарбойҷон, раисҷумҳури Тоҷикистон Эмомалӣ Раҳмон бо баёнот баромад намуд.

«Амнияти кишварҳои арабӣ яке аз омилҳои асосии субот дар ҷаҳони исломӣ ба ҳисоб меравад», иброз намуд ӯ.

Ба гуфтаҳои Раҳмон, солҳои 90-уми асри гузашта Тоҷикистон ҳолатҳоеро аз сар гузаронд, ки имрӯз дар кишварҳои Сурия, Яман ва Афғонистон рӯӣдода истодааст.

«Мо бояд муттаҳид шавем ва якдигарро на танҳо дар соҳаҳои сиёсиву-иқтисодӣ, балки дар соҳаи технологӣ низ дастгири намоем», қайд намуд Раҳмон. Дар форум намояндагони 22 кишварони лигаи давлатҳои араб, кишварони Осиёи Марказӣ ва Озарбойҷон иштирок варзиданд.

Инчунин, Раҳмон фурсатро аз даст надода ба иштирокчиён оиди «кӯмаки дӯстона» ёдоварӣ намуд. Эмомалӣ Раҳмон  ташкил кардани фонди махсусро таклиф намуд, ки аз ҳисоби пардохти кишварҳои мутараққии араб пур бигардад. Ба ақидаи раисҷумҳури Тоҷикистон, маблағҳои ҷамъшуда бояд барои дастгирии кишварҳои дар остонаи тараққиёт ёфта истодаи мусулмоннишин фиристода шавад.

Сарвари Тоҷикистон қайд намуд, ки дар бонкҳои Аврупову-Амрико миллиардҳо долларҳои кишварҳои араб ҷойгиранд. Ӯ даъват намуд, ки як қисми ин маблағҳоро ба кишварҳои тараққиёт ёфта истодаи мусулмоннишин барои дастгири фиристода шавад. Вале, «кӯмаки мазкур бояд беғаразона бошад»,  илова намуд ӯ.

Якум форуми ҳамкориҳои иқтисодии арабӣ моҳи майи соли 2014 дар шаҳри  Ар-Риёз баргузор гардидааст.