• Home »
  • Habarho »
  • «Ҳақиқати Шаҳринав» ба «Файзи Пешво» табдил ёфт

«Ҳақиқати Шаҳринав» ба «Файзи Пешво» табдил ёфт

Мақомоти матбуотии маъмурияти шаҳри Шаҳринав номи худро аз «Ҳақиқати Шаҳринав» ба «Файзи Пешво» тағйир додааст. Таҳририяти нашрия мегӯяд, ки тағйир ёфтани номгузори ба «мурури замон» тааллуқ дорад. Сармуҳаррири ҳафтанома Ҳикматулло Сатторӣ дар ҳамсӯҳбат бо радиои Озодӣ гуфтааст, ки номи кӯҳнаи нашрия ба «замони муосир» рост намеояд.

«Ҳақиқати Шаҳринав»- ин номи даври шӯравӣ буд ва солҳои охир масъулони нашрия бо эҷоди номи нав машғул буданд, ҳатто дар ин бора озмун эълон шуда буд. Дар натиҷа номи «Файзи Пешво» интихоб шуд, хабар дод ӯ.

Ҳафтанома соли 1993 асос гузошта шудааст ва дар як моҳ 4-6 маротиба бо 2600 адад нашр мешавад. Дар саҳифаҳои он асосан қарорҳои ҳукумат ва маводҳои таблиғотиву ташвиқоти нашр мешавад.

Ёдрас мекунем, ки солҳои дароз ба Раҳмон ҳамчун «Ҷаноби Олӣ» муроҷиат карда мешуд. Вале соли 2016 золим унвони нав пайдо кард: «Пешвои миллат».

Мушоҳидон қайд намуданд, ки сол аз сол режими Раҳмон ва ҳаммаслакону лаганбардоронаш дар хусуси шахсиятпарастии раисҷумҳур рекордҳои нав мегузоранд.

Режим ба аҳолии кишвар сифатеро таҳмил медиҳад, ки ба хулқу маданияти таърихии онҳо зид мебошад. Зеро,  лаганбардори ва чоплуси кардан ба золим сифати ба аҳолии Тоҷикистон бегона мебошад. Албатта, ин тааҷубовар нест, зеро ҳадиси шариф муносибати дурустро нисбати Халифаи қонунӣ меомӯзонад:

سَتَكُونُ أُمَرَاءُ فَتَعْرِفُونَ وَتُنْكِرُونَ فَمَنْ عَرَفَ بَرِئَ وَمَنْ أَنْكَرَ سَلِمَ وَلَكِنْ مَنْ رَضِيَ وَتَابَعَ. قَالُوا: أَفَلَا نُقَاتِلُهُمْ؟ قَالَ: لَا، مَا صَلَّوْا

«Амироне мешаванд, шумо корҳои нек ва бади онҳоро мебинед. Касе бадиро бифаҳмад, ӯ ба он шарик нест. Касе бадиро наҳӣ кунад — наҷод ёфтааст. Аммо касе рози шуда пайравӣ кунад ҳалок шудааст».

Дар хусуси Раҳмон ки бо қонунҳои секуляристи ҳукм меронад ва бо туфайли душманони аз хориҷ будаи мардуми Тоҷикистон ҳукуматашро нигоҳ медорад чи бояд гуфт?