• Home »
  • Habarho »
  • Ҷарима ба миқдори 10 ҳазор рубл барои сӯиқасд ба ҷони муҳоҷири меҳнатӣ аз Тоҷикистон

Ҷарима ба миқдори 10 ҳазор рубл барои сӯиқасд ба ҷони муҳоҷири меҳнатӣ аз Тоҷикистон

Додгоҳи шаҳри Москва аз рӯи парвандаи миллатгароӣ рус Владислав Валуев ки ба шаҳрванди Тоҷикистон бо корд ҳамла намудааст, қарор баровард, хабар медиҳад оҷонсии иттилоотӣ «Фарғона».

Аз тарафи додгоҳ миллатгарои рус Владислав Валуев айбдор дониста, ҳамчун ҷазо ба ӯ 300 соати кори маҷбурӣ таъйин карда шуд ва маҷбур карданд, ки ба ҷабрдида  зарари маънавӣ ба миқдори 10 ҳазор рубл, инчунин зарари моддӣ расонидашуда ба миқдори 2100 рубл пардохт карда шавад.

Тибқи иттилои нашрия, санаи 5 феврали соли ҷорӣ Валуев бар асоси хусумати миллӣ ба ронандаи такси — муҳоҷири меҳнатии аз Тоҷикистон Абдулҳаким Кенҷаев ҳамлаи ваҳшиёна кардааст.

Вақте, ки Кенҷаев Валуевро ба ҷои муайяншуда меорад, ногаҳон охирин аз бағалаш кордро бароварда бо суханони қабеҳ: «Шумо ӯзбеконро мисли хукҳо забҳ кардан лозим, ҳайвонҳо… Маскавро пур кардед», ба сар ва танаи ронанда бо корд зарба задааст. Ҳамагӣ зарбаҳои Валуев шаш маротиба ба рӯӣ, пешона, таги чашм, ду зарба ба дастонаш ва як зарба ба тахтапушт расидааст, менависад нашрия.

Дар натиҷаи ҳамла шаҳрванди Тоҷикистон сахт маҷрӯҳ гаштааст, ҷинояткор ба рӯи Абдулҳаким бо корд зарба зада аз лаб то чаккаи рӯӣ пора кардааст. Алҳол ҷабрдида даҳонашро кушода наметавонад ва бо як азоб гап мезанад. Инчунин функсияи хоидани манаҳ (ҷоғ) низ вайрон шудааст.

Ҳимоятгари ҷабрдида Магомедшамил Шабанов мегӯяд, ки парвандаи ҷиноӣ тибқи моддаи 115 «Расондани зарари сабук ба саломатӣ»  КҶ ФР, санаи 10 марти соли 2017 оғоз гардидааст. Дар хулосаи экспертизаи тиббӣ гуфта мешавад, ки ба ҷабрдида «зарари сабук ба саломатӣ» расонида шудааст.