• Home »
  • Habarho »
  • Ӯзбекистон: минбаъд волидайни диндорро ба ҷавобгари хоҳанд кашид

Ӯзбекистон: минбаъд волидайни диндорро ба ҷавобгари хоҳанд кашид

Ӯзбекистон: минбаъд волидайни ба дин риоякунандаро ба ҷавобгари хоҳанд кашидДар Ӯзбекистон минбаъд волидайне, ки фарзандашро аз гирифтани таҳсилоти умумии миёна, умумии махсус бозмедорад ба мӯҳлати 15 шабонарӯз ба ҷавобгарии маъмурӣ кашида мешавад. Ислоҳотҳои мутобиқшуда ба қонунгузорӣ алҳол мавриди амал қарор дорад.

Ислоҳотҳо дар Кодекси оиди ҷавобгарии маъмурӣ ва кодекси оилавӣ моҳи декабри соли гузашта аз ҷониби ҳар ду палатаи парлумони Ӯзбекистон қабул гардида буд. 

«Волидайн ва ё касоне, ки ҷойгузини онҳо мебошанд барои гирифтани таҳсилоти умумии ҳатмии миёна, умумии махсус, таҳсилоти касбии фарзандон дар муддати як сол такроран монеа эҷод кунанд, ба миқдори аз 10 то 20 нишондод (аз 210 доллар то 420 доллар) маоши ҳадди ақал ҷарима баста мешаванд ё ин ки ба мӯҳлати 15 шабонарӯз ба ҳабс гирифта мешаванд», гуфта шудааст дар ислоҳот. Дар ин хусус ОИ «Риа Новости» такя ба рӯзномаҳои маҳаллӣ хабар медиҳад.

Пештар барои амали мазкур дар Ӯзбекистон маҳз бо ҷарима ба миқдори аз 5 то 10 нишондоди маоши ҳадди ақал (аз 105 доллар то 210 доллар) баста мешуд.

Мушоҳидон қайд мекунанд, ки таҳти қонуни мазкур дар навбати аввал волидайне, ки духтарашон аз сабаби манъи пӯшидани ҳиҷоб дар муассисаҳои таҳсилотӣ ба мактаб рафта наметавонанд дохил мешаванд.