Семинари ду рӯза оиди мавзӯъи «Нақши пешвоёни динӣ дар ҳолатҳои фавқулода» дар шаҳри Хоруғи ВМКБ баргузор мегардад. Чорабинии мазкур аз тарафи Кумитаи Байналмиллалӣ Салиби Сурх ва Кумитаи оид ба корҳои дин танзими анъана ва ҷашну маросимҳои миллӣ назди ҳукумати ҶТ ташкил шуда, барои муҳокимаи нақши пешвоёни динӣ дар ҳолатҳои фавқулода нигаронида мешавад.

«Семинари мазкур барои пешвоёни динӣ имконияти басо хуб аст, то ин ки бифаҳманд кори наҷотдиҳандагонро дар ҳолатҳои фавқулода», мегӯяд полковник аз Кумитаи ҳолатҳои фавқулода Зариф Забиров. «Мо тахмин мекунем, ки пешвоёни дин ва пешвоёни ҷамоатҳо бояд дар муттаҳидкунӣ ва сафарбаркунии ҷомеа барои ҳалли оқибат дар ҳолатҳои фавқулода нақши муҳимро иҷро намоянд» — қайд намуд раиси Кумитаи Байналмиллалии Салиби Сурх дар Тоҷикистон Клаудия Аззолини. Таи ду соли ахир семинарҳои мазкур аз тарафи Кумитаи Байналмиллалии Салиби Сурх ва Кумитаи оид ба корҳои дин дар шаҳри Кӯлоби вилояти Хатлон ва шаҳри Исфараи вилояти Суғд гузаронида шудааст.

Ҳамин тавр, режими Раҳмон кӯшиш дорад, то ин ки пешвоёни дин ва имомонро барои идора кардани халқ дар ҳолатҳои душвор ва фавқулода истифода барад.