• Home »
  • Habarho »
  • «Асарҳои адабӣ»- и Раҳмон акнун бо воситаи радио пахш мегардад

«Асарҳои адабӣ»- и Раҳмон акнун бо воситаи радио пахш мегардад

Кумитаи телевизион ва радиои Тоҷикистон ҳамаи ширкатҳои радиои давлатиро маҷбур кунонд, то ин ки асарҳои адабии раисҷумҳур Раҳмонро дар мавҷи худ пахш кунанд, дар ин хусус хабар медиҳад ОИ «Азия-Плюс» такя ба директори радиои давлатии Тоҷикистон Фаррух Зиёев. Дар эфири радиои онҳо аллакай сабти аудиоии китоби раисҷумҳур пахш гардид.

«Мо қарори мутобиқкардашударо аз Кумита моҳи октябри соли ҷорӣ гирифтем. Мутолиаи мазкур барои бардоштани ҳисси худшиносӣ ва ватанпарастӣ ба ҳар як шаҳрванди кишвар гузаронида мешавад», баён намуд сардори ширкати радио.

Инчунин, Зиёев қайд намуд, ки барои хондани китобҳои Раҳмон аз тарафи давлат «ҳунармандони театр ва ровиёни махсус бо овози хуб ҷалб карда шудаанд». «Мо аллакай соли 2016 ду китобро: «Тоҷикон дар оинаи таърих» бо овози Абдурашид Хоҷамқул ва «Забони миллат — моҳияти миллат» бо овози Ҷонибек Асрориён сабт намуда ба «фонди тиллогӣ» супурдем. Акнун сабти аудиоии китобҳои мазкур дар эфири радио пахш гардида истодааст. Алҳол китоби навбатии раисҷумҳур бо овози Фирузи Умар сабт карда мешавад», хабар дод ӯ.