• Home »
  • Habarho »
  • Дар шимоли Тоҷикистон 45 масоҷид аз тарафи ҳукумати маҳаллӣ баста шуд

Дар шимоли Тоҷикистон 45 масоҷид аз тарафи ҳукумати маҳаллӣ баста шуд

Дар шимоли Тоҷикистон 45 масоҷид аз тарафи ҳукумати маҳаллӣ баста шудДар шаҳри Исфараи шимоли Тоҷикистон бо қарори ҳукумати маҳаллӣ фаъолияти 45 масоҷид қатъ гардид. Дар ин хусус санаи 24-уми январ раиси шаҳри Исфара Дилшод Расулзода дар конфронси матбуоти хабар дод. Масҷидҳо бо баҳонаи ба меъёрҳои санитарӣ ва ба вазъияти масҷид мувофиқ  набудан баста шудааст.

Вале, ба таклифи он ки масҷидҳои мазкурро ба объектҳои иҷтимоӣ табдил додан, Расулзода эътироз баён накард ва иброз намуд, ки агар Кумитаи оид ба корҳои дин иҷозат диҳад онҳоро таъмир намуда ба объектҳои иҷтимоӣ табдил диҳанд боке надорад. Аммо онҳоро таъмир намуда ба ҳоли худ вогузоштан чи монеъагӣ мекард, бе ҷавоб монд.

Бояд қайд намуд, ки аҳолии шаҳри Исфара тибқи маълумоти расмӣ 261,5 ҳазор нафарро ташкил мекунад, ҳамагӣ дар шаҳр 113 масоҷид фаъолият менамояд ва аз он 12 масоҷид барои адои намози ҷумъа буда, 101 тои онҳо маҳз барои адои намози панҷвақта муқаррар шудааст. Яъне, дар 1 масҷиди ҷомеъ 21 791 ҳазор нафар рост меояд.