• Home »
  • Habarho »
  • Дар Тоҷикистон кормандони ВКД тиҷорати маводҳои мухаддирро ба роҳ мондаанд

Дар Тоҷикистон кормандони ВКД тиҷорати маводҳои мухаддирро ба роҳ мондаанд

Дар Тоҷикистон кормандони ВКД тиҷорати маводҳои мухаддирро ба роҳ мондаанд Дар Тоҷикистон як гурӯҳ нашъаҷаллобон  дастгир шудаанд, ки аз тарафи корманди ВКД сардорӣ мешудааст. Дар ин хусус шӯъбаи оҷонсии назорати молӣ ва мубориза бо коррупсияи вилояти Суғд хабар додааст.

«Дар шимоли кишвар бо гумонбари дар гардиши ғайриқонунии маводи мухаддир ду нафар дастгир шудаанд, аз он ҷумла сардори шӯъбаи тафтишотии  зудҳаракати идораи шӯъбаи корҳои дохилии вилояти Суғд Шарипов Руслан Алимович», — хабар додаанд дар хадамот.

Дар вақти дастгиршави зиёда аз 82 кило афюн ва ҳашиш мусодира гардид.

Бояд қайд намуд, ки нашъаҷаллобӣ дар ҳама замон яке аз нафъовартарин соҳаи тиҷорати ҷинояткоронаи мансабдорони баландшохаи тоҷик, хусусан кормандони мақомоти қудратӣ мебошад. Дар Тоҷикистон борҳо аст, ки гурӯҳои калон иборат аз кормандони мақомоти қудратӣ пушти панҷара мешаванд. Вале гурӯҳҳое, ки дар боло пуштибон доранд, беҷазо мемонанд. Дар ин хусус борҳо ташкилотҳои байналхалқӣ бо тафсилот маърӯза кардаанд.

Ҷолиби диққат аст, ки аксарият задухӯрдҳои мусаллаҳона бо сарҳадбонони тоҷик дар марзи Тоҷикистону Афғонистон на бо Толибон ва ё ин ки бо дигар гурӯҳҳои мусаллаҳона, балки одатан бо гурӯҳҳои нашъаҷаллобон рух медиҳад.