• Home »
  • Habarho »
  • Кони тиллои навбатиро Раҳмон ба Хитой супурд

Кони тиллои навбатиро Раҳмон ба Хитой супурд

Ҳукумати Тоҷикистон кони тиллои «Кумарги боло», ки дар вилояти Суғд ҷойгир аст ба ҳисоби пардохти қарз таслим намуд. Бо корҳои истихроҷи тилло ширкати Хитоӣ «TBEA» машғул хоҳад шуд. Чи тавре ки «EADayli» 16 апрел иттилоъ дод, пештар ширкати мазкур барои истихроҷи конҳои тиллоӣ ва конҳои ангишт дар «Дуобаи Шарқӣ» санадҳои иҷозатӣ дастрас карда буд.

Ёдрас мекунем, ки ширкати «TBEA» ягона ширкати Хитоӣ нест, ки дар Тоҷикистон бо истихроҷи конҳои тилло машғул мебошад. Ғайр аз ин, аксарияти ширкатҳои истихроҷи конҳои тилло дар Тоҷикистон хориҷианд. Масалан, конҳои Тарор, Ҷилау, Чоре ва Зарафшон аз тарафи ширкати Zijin Mining, кони Пакрут бошад аз тарафи China Nonferrous Gold Limited коркард карда мешавад. Аз ҳама кони тиллои бузург дар Тоҷикистон ШМ Зарафшон буда, 70%-и коркарди аксарият конҳо тиллоӣ рост меояд. Кони мазкур бар ӯҳдаи ширкати Zijin Mining Group Co. Ltd. мебошад, ки 75%-и саҳмияҳои он ба хитоиҳо мутааллиқ аст.

Ёдрас мекунем, ки режими секуляристии фасодзадаи Раҳмон мунтазам мулки мардумро ба хитоиҳо медиҳад. Дар инҷо на танҳо боигариҳои зеризаминӣ, балки минтақаҳои калон низ дохил мешавад. Масалан, соли 2013 ба Хитой замини Точикистон бо масоҳати 1 158 км мураббаъ супурда шуд.

Ёдоварӣ бояд кард, ки тибқи Ислом ҳамаи намуди боигариҳои зеризаминӣ бояд байни шаҳрвандони давлат баробар тақсим шавад. Қонуни мазкур аз ҳадиси Паёмбар (с) гирифта шудааст:

الْمُسْلِمُونَ شُرَكَاءُ فِي ثَلَاثٍ: الْمَاءِ وَالْكَلأِ وَالنَّار

«Мусулмонон дар се чиз: об, чарогоҳҳо ва оташ шариканд».

<

p style=»text-align: center;»>(ривояти Аҳмад).