• Home »
  • Habarho »
  • Муҳоҷирони меҳнатӣ дар шаҳри Маскав ба ҳамлаи бераҳмона дучор шуданд

Муҳоҷирони меҳнатӣ дар шаҳри Маскав ба ҳамлаи бераҳмона дучор шуданд

Чи тавре ки ОИ «Фарғона» ба ҳуқуқшинос Валентина Чупик такя намуда иттилоъ медиҳад, муҳоҷирони меҳнатӣ аз Осиёи Марказӣ ва Туркия, воқеъ дар шаҳри Маскав дар хобгоҳи умумии «Меҳмонхонаи Помир-Алянс» зиндагонӣ мекунанд аз тарафи шахсони мусаллаҳи ниқобпӯш ба ҳамлаи бераҳмона дучор гардиданд. Тибқи навиштаи ОИ «Фарғона», 26 апрел соати 4:30 пагоҳӣ шахсони  либоси сиёҳ пӯшида, мусаллаҳ ва ниқобпӯш ба минтақаи хобгоҳи умумӣ зада даромаданд. Сипас муҳоҷиронро аз утоқҳояшон берун бароварда, латукӯб намуда, ҳамаи онҳоро ба якчанд утоқ ҳабс намуданд.

«Дар яке аз утоқи басташудагон тақрибан 85 нафар қарор дошт. Аз сабаби бисёр будани одамон, онҳо маҷбур буданд, ки рост истанд. 7:30 пагоҳӣ ба ҷои ҳодиса кормандони ОМОН омада онҳоро озод кард ва талаб намуд, ки шиносномаҳояшонро пешкаш намоянд. Пас аз он ки муҳоҷирон ба утоқҳояшон баргаштанд, мушоҳида намуданд, ки дарҳои утоқҳо шикаста, бистарҳои хоб чапаву рост, ҷевонҳо шикастаанд. Пулҳои доштаашон ғайб задааст. Аз ҳама зиёд ду нафар шаҳрвандони Туркия зарар диданд, яке — 115 ҳазор рубли русӣ, дигаре бошад — $1200 доллар гум кардааст. Як шаҳрванди кишварҳои Осиёи Марказӣ — 77 ҳазор рубли русӣ ва дигаре ба миқдори — 69 ҳазор рубли русӣ гум кардааст. Зарари боқимондагон камтар буда аз 5000 то 22 000 рубли русӣ ташкил мекунад», — изҳор намуд Чупик.

Ба гуфтаи ҳуқуқшинос, кормандони ОМОН ба ҷои ҳодиса 7:30 пагоҳӣ омада аз муҳоҷирони меҳнатӣ барои баргардондани ҳуҷҷатҳо 2000 рубли русӣ тамаъҷӯӣ намуданд.

Валентина Чупик каме пештар гурӯҳи фаврӣ фиристода, бо гурӯҳи ҳимоятгарони ҳуқуқ ба ҷои ҳодиса соати 14:00 расидаанд.

«Гурӯҳи фаврӣ ба муҳоҷирон варақаҳои аризанависиро тақсим намуда ба пурсиш шурӯъ намуданд, ки ногаҳон нозири минтақавӣ пайдо шуд, (майори полис мебошад, ки агар бо он вохӯрам, ӯро мешиносам, талаби худро муаррифӣ намуданро рад кард) ки  бо кадом тарз навиштани аризаро ба муҳоҷирон нишон медод. Хусусан чунин навиштанро талаб менамуд, «шахсони ба ман номаълум бо роҳи пинҳонӣ фалон қадар маблағамро, ки барои ман наонқадар муҳим мебошад дуздиданд»”.

Ба гуфтаҳои худи муҳоҷирони меҳнатӣ шахсоне, ки ба онҳо бо автомат ҳамла намуданд, кормандони сохторҳои қудратӣ мебошанд, ва рафтори рағбатноки сохторҳои қудратӣ ба он далолат мекунад.