• Home »
  • Habarho »
  • Тоҷикистон ташкил намудани партияҳои исломии сиёсиро манъ кард

Тоҷикистон ташкил намудани партияҳои исломии сиёсиро манъ кард

Тоҷикистон ташкил намудани партияҳои исломии сиёсиро манъ кардПалатаи поёни парлумони Тоҷикистон Маҷлиси намояндагон ба қонун «Дар бораи озодии виҷдон ва иттиҳодияҳои динӣ ҶТ» ислоҳот даровард ва  ташкил кардани ҷамъиятҳои диниро дар кишвар расман мамнӯъ гардонид. Тибқи ислоҳотҳо, таҳсилоти дини минбаъд дар Тоҷикистон танҳо дар донишгоҳҳои олии давлатӣ гирифта мешавад, дар ин хусус ба радиои Озодӣ депутати парлумон Ҷаббор Аҳмадов санаи 6-уми декабр хабар дод.

Боз як ислоҳот дар қонун «Дар бораи озодии виҷдон ва иттиҳодияҳои динӣ ҶТ» ба давлат барои бартари доштан оиди ташкил намудани сиёсати динӣ дар кишвар имконияти боз хам васеътар фароҳам меорад. Аллакай чанд сол пеш давлат вазифаи идора намудани самти диниро ба дасти худ гирифтааст. Айни замон давлат Шӯрои Уламои Тоҷикистонро пурра назорат мекунад.

Тайи чанд соли ахир аст, ки режими Рахмон мунтазам ба мардуми Тоҷикистон барои риоя намудани дин монеаҳои нав ба нав эҷод мекунад, бо баҳонаи мубориза алайҳи терроризму экстремизм қонунҳои бемаъни ворид менамояд. Ҳамин тавр, ҳукумат мавзӯҳои хутбаи рӯзи ҷумъа ва аттестатсияи имом-хатибонро бар ӯҳдаи хадамоти давлатӣ супурд, инчунин рафтани намози ҷумъа ба кормандони давлат мамнӯъ карда шуд. Ғайр аз ин, дар масҷидҳои кишвар видеокамераҳои назоратӣ гузошта шуд, ба шахсони сину солашон аз 40 поин аст ҳуқуқи адои ҳаҷ манъ карда шуд, ба занҳо бо рӯймоли сатр гаштан мамнӯъ аст, ба мардоне синну солашон аз 50 поин аст гузоштани риш манъ карда шуд.