• Home »
  • Habarho »
  • Тоҷикистониҳо кишварашонро тарк менамоянд

Тоҷикистониҳо кишварашонро тарк менамоянд

Тоҷикистониҳо кишварашонро тарк менамояндҲалли муаммоҳои маишии худ бо воситаи барномаи иртиҳол ба Русия имрӯзҳо низ ҳанӯз мавзӯи муҳим буда, роҳи ягонаи ҳалли муаммо дар назди шаҳрвандони Тоҷикистон ба ҳисоб меравад.

Санаи 9-уми январ дар назди бинои намояндагии ВКД-и Федератсияи Русия оиди муҳоҷиратӣ дар шаҳри Душанбе тибқи маълумоти як манбаъ тақрибан 2,5 ҳазор хоҳишмандони кӯчидан ба Русия ҷамъ шудааст. «Вазъият аз назорат баромад ва мо маҷбур шудем, ки кормандони милитсияро хабар кунем», мегӯяд котиби матбуотии намояндагии ВКД-и Федератсияи Русия оиди корҳои муҳоҷиратӣ Галина Александрова ба радиои Озодӣ.

Қатори дарози навбатдоронро дар назди бинои намояндагӣ кормандони милиса пароканда намуданд. Алҳол бошад намояндагии ВКД-и Федератсияи Русия оиди корҳои муҳоҷиратӣ дар Тоҷикистон пӯшида аст.

Ёдрас мекунем, ки барномаи мазкур оиди кӯчидан ба Русия аз моҳи апрели соли 1997 инҷониб арзи вуҷуд дорад ва шумораи кӯчидагон ба Русия то ба имрӯз тақрибан 500 ҳазорро ташкил мекунад. Шумораи рекорди оилаҳои кӯчидагон ба миқдори 1850 бо барномаи мазкур дар соли 2016 рост меояд. Омили асосие, ки Тоҷикистониёнро ба барномаи мазкур муроҷиат менамоянд, то ин ки ба Русия бикӯчанд расман инҳоянд: бесуботӣ дар иқтисоди кишвар; маъоши паст ва вуҷуд надоштани пешравии кору фаъолият дар ватан мебошад. Дар ҳақиқат омилҳои мазкур вуҷуд доранд, вале дар муддати 3-4 соли ахир афзудани шумораи хоҳишмандони муҳоҷират аз кишвари худ  бешубҳа натиҷаи сиёсати режими ҳукмравоӣ мебошад. Зеро новобаста аз соҳаи кору фаъолияташон  инсонҳо хавферо аз тарафи ҳукумат нисбати худ  ҳис мекунанд.