• Home »
  • Habarho »
  • Тоҷикистон: 30%-и аҳолӣ дар ҳолати нимгуруснагӣ қарор доранд

Тоҷикистон: 30%-и аҳолӣ дар ҳолати нимгуруснагӣ қарор доранд

Ташкилоти озуқаворӣ ва кишоварзии СММ дар кишварҳои Осиёи Марказӣ ва Аврупо аз ҳама сатҳи баланди нимгуруснагиро муайян намуд. Хусусан дар рӯйхати сатҳи баланди нимгуруснагӣ дар кишварҳои Осиёи Марказӣ Тоҷикистон низ дохил шудааст, ки солҳои 2014-2016 30,1%-и аҳолӣ (2,6 млн нафар) аз нимгуруснагӣ азият мекашанд. Оиди ин дар маърӯзаи ТОК (ФАО) «Вазъияти кор дар соҳаи амнияти хӯрокворӣ ва ғизоӣ дар кишварҳои Аврупо ва Осиёи Марказӣ» гуфта шудааст.

Маҷмӯи Маҳсулоти Дохилӣ бошад ба сари каси аҳолӣ дар миёни кишварҳои Осиёи Марказӣ дар рӯйхати охирин Тоҷикистон ба ҳисоб меравад. Дар соли 2015 ММД ҳамагӣ 933$ долларро ташкил дод.

Ёдрас мекунем, ки дар ҳисоботи каме пеш гузоштаи Оҷонси оид ба омори Тоҷикистон гуфта шудааст:

«Аз ҳама маоши паст имсол дар Тоҷикистон барои кормандони хоҷагии қишлоқ, сайдгузорӣ, ҷангалпарварӣ 600 сомонӣ (67$) ро ташкил дод. Ҳаҷми маоши миёна бошад тақрибан 1500 сомонӣ (169$) ро ташкил кард».

Мутахассисон қайд мекунанд, ки ҳатто маблағҳои ношоистаи дар боло зикршуда дар шаҳрҳои калон буда, дар деҳаҳо бошад шароит аз ин дида бад мебошад.

Бояд қайд намуд, ки нарху наво дар бозорҳои Тоҷикистон барои маҳсулотҳои эҳтиёҷи зарурӣ ба монанди орд, равғани растанӣ, биринҷ, шакар, тухм ва ҳоказо аз нарху навое, ки дар Русия аст баланд мебошад.