• Home »
  • Habarho »
  • Раисҷумҳури Туркманистон писарашро ба ворисии худ тайёр мекунад

Раисҷумҳури Туркманистон писарашро ба ворисии худ тайёр мекунад

27 — уми октябр дар барномаи иттилоотӣ «Ватан» — и телевизиони Туркманистон лавҳаи маросими супориши медали «Мяликгули Бердимуҳамадов» ба кормандони ҳарбӣ ва ҳифзи ҳуқуқ ва инчунин супоридани рутбаҳои нав ба онҳо намоиш дода шуд. Чи тавре ки баранда хабар дод, мукофотҳои давлатӣ бо фармони раисҷумҳур Қурбонгули Бердимуҳамадов бахшида ба ҷашни 26 солагии истиқлолияти Туркманистон супорида шуд. Дар миёни мукофотонидашудагон  писари раисҷумҳури кунунӣ, Сардар Бердимуҳамадов низ иштирок варзидааст, ки соҳиби рутбаи подполковник гардид.

Мушоҳидон қайд намуданд, ки вақтҳои охир Сердар дар омма зуд-зуд намоён шуда истодааст, ВАО номи ӯро ба забон мегирад, хуллас, аз тарафи хуб ба ҷомеа намоён мегардад. Аз ин рӯ, Бердимуҳамадови хурд ҳамчун вориси падараш тайёр мешавад, ки имрӯз дар кишварҳои Осиёи Марказӣ мисли анъана шудааст.