• Home »
  • Habarho »
  • Дар Туркманистон барои қабул накардани кӯдакон ба мактаб баҳона гузоштанд

Дар Туркманистон барои қабул накардани кӯдакон ба мактаб баҳона гузоштанд

Дар Туркманистон барои қабул накардани кӯдакон ба мактаб баҳона гузоштандҲукумати Туркманистон боз қонунҳои бемаънии нав ба нави секуляристиро эҷод мекунад. Илова бар ин, ҳар як қонуни нави эҷод кардаашон дар ҳама соҳаҳои ҳаёт ба аҳолии кишвар мушкилиҳоро меафзояд.

Инак, пас аз манъ кардани нақлиётҳои рангаш сиёҳ ва рондани нақлиёт аз тарафи зан, вазорати маорифи Туркманистон қароре баровардааст, ки тибқи он аз соли нави таҳсилот барои дохил кардани кӯдак дар мактаби таҳсилоти миёна аз боғчаи пешазмактабӣ маълумотнома оиди давомати кӯдак лозим мебошад.

Чи тавре ки ОИ «Хроника Туркменистана» хабар медиҳад шӯъбаи маорифи яке аз вилоят ба хабарнигорон оиди шарҳи мавзӯъ чунин изҳорот додааст, ки гӯё хадамот бо амали зеринаш дар боғчаҳои пешазмактабӣ бударо, ки  бо сабаби даҳ баробар зиёдгаштани боғчапулӣ ихтисоршавии кӯдакон афзудааст пеши роҳашро мегирад. Ғайр аз ин, барои давомати кӯдакон дар боғчаҳои пешазмактабӣ, коркунони давлатро дар зери таҳдиди хориҷ кардан аз кор маҷбур менамоянд, ки кӯдакҳояшонро ба боғчаҳои пешазмактабӣ бисупоранд.

Каме пеш барои дохил кардани кӯдак ба мактаби миёна маълумотнома дар бораи ҷои истиқомат, нусхаи маълумотнома дар бораи таваллуд, маълумотномаи тиббӣ, сурат, маълумотнома дар бораи ҷои кори волидайн ва «маълумотнома дар бораи се пушт», тақдим кардан талаб карда мешуд.

Ёдрас мекунем, ки каме пеш ВАО дар хусуси вазъияти фалокатовари Туркманистон бо сабаби камчинии озуқаворӣ хабар дода буданд, ки омили коҳиш ёфтани нарху навои колоҳо шудааст. Маълум гардид, ки нархи озуқавории асосӣ ба монанди орд, маҳсулоти ордӣ ва тухм ба 40-50% афзоиш ёфт, нархи сабзавоту мевагӣ, маҳсулоти қаннодӣ ва пӯшокҳои кӯдакона бошад ду баробар зиёд шудааст.