• Home »
  • Habarho »
  • Фурудгоҳи Туркманистон ба китоби Гиннес дароварда шуд

Фурудгоҳи Туркманистон ба китоби Гиннес дароварда шуд

Санаи 26 феврали соли ҷорӣ раисҷумҳури Туркманистон Қурбонгули Бердимуҳаммедов дар маросими кушодашавии фурудгоҳи байналхалқӣ  дар маркази маъмурии вилояти Лебапи Туркманобод иштирок варзид.

Дар маросими кушодашавии фурудгоҳи нав ҷойнишинони раиси девони вазирон, роҳбарони сохторҳои мақомоти қудратӣ ва ҳифзи ҳуқуқ, вазорату идораҳо, намояндагони ташкилотҳои ҷамъиятӣ, ВАО-и дохилӣ ва хориҷӣ, сафирони давлатҳои хориҷӣ дар Туркманистон, ҳокимони вилоятҳо ва шаҳри Ашқобод, инчунин аҳолии маҳаллӣ иштирок варзиданд.

Дар маъракаи мазкур меҳмонони хориҷӣ бо суханронӣ баромад намуданд, аз он ҷумла намояндаи китоби рекордҳои Гиннес технологӣ будани фурудгоҳи навро қайд намуд. Хусусан нигоҳ аз боло ба терминали мусофиркашӣ ҷолиби диққат мебошад. Зеро он бо шакли ахтар сохта шудааст. Ба муносибати ин ба раиси хадамоти «Türkmanhavoyollary» сертификати китоби рекордҳои Гиннес супурда шуд, ки расман беҳамто будани тасвири меъмории терминали мусофиркашии фурудгоҳи Тууркманободро тасдиқ менамояд.

Объектҳои нави фурудгоҳ ба масоҳати зиёда аз 600 гектар замин паҳн шудааст. Бинои терминали мусофиркашӣ бошад 37 ҳазор метри мураббаъро ташкил медиҳад.

Ёдрас мекунем, ки айни замон мардуми Туркманистон бо мушкилоти муҳими иқтисодӣ рӯбарӯ гаштааст, нарху навои маҳсулотҳои хӯрокворӣ бо суръати тез баланд шудаанд. Дар миёнаҳои соли гузашта ҳукумат бо мақсади сарфакорӣ, имтиёзҳое ки дар истифода бурдани газ, қувваи барқ, оби нӯшокӣ ва ғайра  вучуд дошт бекор намуд. Инчунин камчинии орд ва дигар маҳсулотҳои зарурӣ дида мешавад. Вале режими Бердимуҳаммедов бошад ҷавобан ба ин чораҳои қатъӣ: зиёдатии ордро аз аҳолӣ мусодира намудан, маҳдуд намудани фуруши орд ё ба таври қатъӣ бо талон фурӯхтани ордро ҷорӣ менамояд.