• Home »
  • Habarho »
  • Дар Фарғона ҳимоятгари ҳуқуқро ба додгоҳ мекашанд

Дар Фарғона ҳимоятгари ҳуқуқро ба додгоҳ мекашанд

Дар Фарғона ҳимоятгари ҳуқуқро ба додгоҳ мекашандДодгоҳи ноҳияи Қуваи вилояти Фарғонаи Ҷумҳурии Ӯзбекистон санаи 5-уми феврал аз болои раиси шӯъбаи шаҳри Андиҷон ташкилоти ғайридавлатии ҳимоятгарони ҳуқуқи Ӯзбекистон «Эзгулик», Мусоҷон Бобоҷонов парвандаи судӣ оғоз гардид. Парвандаи ҷиноӣ нисбати Бобоҷонов моҳи ноябри соли 2017 аз ҷониби РВКД-и вилояти Фарғона бо моддаи 244 (1) қисми 2, «Истеҳсол, паҳн намудан ва нишон додани маводҳои дорои таҳдид ба амнияти ҷамъиятӣ ва тартиботи ҷамъиятӣ» оғоз карда шуд. Пас аз кофтуков дар компютери мусодира карда шудаи айбдоршаванда якчанд мавзӯъҳои лексиявии оиди «Таърихи паёмбарон» дар формати аудио ва рисолаи «Ошикони биҳишт» дар формати PDF ёфт гардид, ки аз тарафи мутахассисон маводҳои ёфт гардида ҳамчун адабиётҳои радикалӣ ва экстремистӣ эътироф гардид.

Ба гуфтаи худи М. Бобоҷонов ӯ Донишгоҳи Давлатии Шарқшиносии шаҳри Тошканд ва донишгоҳи шаҳри Қоҳираро хатм намудааст ва дар давоми якчанд сол бо тадқиқот ва баҳогузории мутахассисии адабиётҳои динӣ машғул будааст.

«Чизи аҷиб дар он аст, ки касби омӯхтаам ба зиёнам баргашт», мегӯяд ӯ.

Агар додгоҳ ӯро айбдор донад ба мӯҳлати аз 5 то 7 сол аз озодӣ маҳрум хоҳад шуд.