• Home »
  • Habarho »
  • Имом-хатиби яке аз масҷидҳои Тошканд муҳоҷирони меҳнатиро дар танбалӣ айбдор намуд

Имом-хатиби яке аз масҷидҳои Тошканд муҳоҷирони меҳнатиро дар танбалӣ айбдор намуд

Баёноти навбатии шармовар аз ҷониби имом-хатиби ҳукуматӣ изҳор шуда майдони иттилоотии Осиёи Миёнаро ба ларза даровард. Ҳамин тариқ рӯзҳои гузашта имом-хатиби масҷиди «шайх Зиёвиддин»-и шаҳри Тошканд Одилхон-қори дар маърӯзаи худ шаҳрвандонеро, ки барои кору фаъолият ба Русия сафар мекунанд дар танбалӣ айбдор намуд.

«Агар танбалӣ накунанд ва ягон касбу ҳунар дошта бошанд, дар мо ҳама чиз муҳаё аст. Муҳоҷирони меҳнатии бечора ба Русия омада ташнобхона тоза мекунанд, либоси таг мешӯянд. Ҳамин тариқ онҳо барои зиндагӣ музд кор мекунанд. Ман ҳамаи онҳоро дар назар надорам, вале аксарияташон чунинанд. Агар ихтисос дошта бошанд дар Ӯзбекистон барои онҳо кор ёфт мешавад», гуфт имоми масҷид.

Ёдрас мекунем, ки натанҳо Одилхон-қори, балки собиқ президенти Ӯзбекистон Ислом Каримов низ соли 2013 муҳоҷирони меҳнатиро дар танбалӣ айбдор карда иброз намуда буд, ки онҳо танбаланд дар ватанашон кор карда натавонистанд ва ба Русия рафтанд.

Бояд қайд намуд, ки тибқи иттилоҳои расмӣ маоши миёнаи мардум дар Ӯзбекистон соли 2017, $127 ташкил медиҳад. Дар ин хусус намояндаи Кумитаи давлатӣ оид ба омор Мирзоев дар ҷаласаи клуби матбуотии байналхалқӣ санаи 14-уми декабри соли гузашта иттило дода буд. Вале, эътимод кардан ба чунин рақамҳои паст мардуми Ӯзбекистонро ба шубҳа меорад, ки оиди ин онҳо дар сомонаҳои иҷтимоӣ ошкор менависанд: ба ақидаи онҳо дар воқеъ маоши миёна ҳатто аз рақамҳои пасти оварда шуда низ поин мебошад.