• Home »
  • Habarho »
  • Ӯзбекистон: ба хотири хондани намоз ба аъзоҳои ҷинсии зиндониён обиҷӯш мерезанд

Ӯзбекистон: ба хотири хондани намоз ба аъзоҳои ҷинсии зиндониён обиҷӯш мерезанд

Ба таҳририяти «Озодӣ» Муҳаббат Холматоваи 60 сола аз шаҳри Намангон муроҷиат намудааст. Ду писари ӯ бо айбҳои динӣ аз озоди маҳрум гардиданд. Ба гуфтаи зани кӯҳансол, тобистони соли ҷорӣ дар зиндони шаҳри Навоӣ нисбати яке аз писаронаш шиканҷаҳои шадид карда шуд. Барои адои намоз ба аъзоҳои ҷинсӣ обиҷӯш мерехтанд. Ду писари сокини шаҳри Наманган Муҳаббат Холматоваи 60 сола — Алишер Абдуҷабборови 40 сола ва Шавкат Абдуҷабборови 33 сола, соли 2010 ба мӯҳлатҳои тӯлонӣ равонаи зиндон шудаанд. Суд ҷавононро дар содир намудани ҷиноят бо моддаи 244 («Ғайриқонуни истеҳсол, нигоҳдорӣ ва даровардан, ё ин ки паҳн намудани маводҳои динӣ») КҶ Ӯзбекистон айбдор дониста шудаанд. Дар ҳамсӯҳбат бо хабарнигори «Озоди» Холматова иброз намуд, ки якчанд моҳ пеш дар колонияи 46/64-и шаҳри Навоӣ нисбати писари калонияш Алишер шиканҷаи сахт карда шуд.  Моҳи октябр зан барои мулоқоти се соата бо писараш иҷозат гирифтааст. Дар вақти мулоқот бо ӯ, модараш паи шиканҷаҳоро дар танаи писараш дидааст. Писараш гуфт, ки дар колония ба аъзоҳои ҷинсияш обиҷӯш рехтаанд. Вақте, ки паи сиёҳи шиканҷаҳоро дар пойҳояш дидам, ӯ оиди воқеъӣ шуда гузашта ба ман нақл намуд. Ҳодисаи зерин тобистони соли гузашта дар колонияи 46/64-и Навоӣ рух дод. Писарам ба ман нақл кард, ки кормандони колония боз 4 маҳбуси дигарро барои адои намоз ба аъзоҳои ҷинсӣ обиҷӯш рехтанд. Ба гуфтаи Муҳаббат Холматова, пас аз пушти панҷара шудани писаронаш, ҳамаи ташвиши 6 набера ба ӯҳдаи ӯ гузаштааст. «Писари калониям се фарзанд дорад. Ман бо келини калониям самбӯса мепазем ва дар мактабе, ки набераҳоям таҳсил мегиранд онҳоро мефурушем. Аз ҳисоби даромади самбӯса ва аз кӯмаки моддии хешутаборон зиндаги ба сар мебарем», мегӯяд зан.