• Home »
  • Habarho »
  • Ӯзбекистон: имоми масҷиди шаҳри Тошканд дар ситоиши режим аз ҳад гузашт

Ӯзбекистон: имоми масҷиди шаҳри Тошканд дар ситоиши режим аз ҳад гузашт

Дар Ӯзбекистон имоми масҷиди шаҳри Тошканд Шермурод Тоғай аз вазифааш барканор шуд. Пас аз барканор шудан Шермурод Тоғай баёноте дод, ки дар он ӯ Маъмурияти рӯҳонии мусулмонони Ӯзбекистонро дар фитнаҳову ришвахӯрӣ айбдор намуд.

Худи Шермурод Тоғай бошад бо баромадҳои ахмақона ва бо дастгирии режими сиёсии Ӯзбекистон машҳур мебошад. Масалан, соли 2017 ӯ таклиф намуд, ки нисбати аъзоҳои гурӯҳҳои гуногуни исломӣ ҳукми қатл ворид карда шавад. Инчунин имоми мазкур бо шеърҳои худ нисбати раисҷумҳур Шавкат Мирзиёев машҳур аст. Мушоҳидон қайд мекунанд, ки ҳарчанд Шермурод Тоғай сиёсати ҳукумати Ӯзбекистнро дастгирӣ намояд ҳам, ба маъмурияти рӯҳонӣ баромадҳои лаганбардории ӯ таъсир нагузошт, баръакс аз ҳад зиёд чоплусии ӯро ҳамчун хатар барои худ донистаанд. Дар натиҷа имоми тамаллуқи аз ҳад гузашта бо ғавғо барканор карда шуд.