Атамбоев сарҳадҳои бо Тоҷикистон бударо ба низомиёни рус супорид
Президенти Қирғизистон Аламазбек Атамбоев ба Владимир Путин таклиф намуд, ки низомиёни русро дар вилояти Баткент ки сарҳади ҷануби Тоҷикистону Қирғизистон мебошад ҷойгир намояд.
«Ман бо Владимир Владимирович ҳамсӯҳбат шудам ва ба ӯ таклиф кардам, ки мо розӣ ҳастем, то ин ки базаи авиатсионӣ дар Кант замонавӣ гардонида шавад, бо силоҳҳои нав муҷаҳҳазонида шавад, вале шумораи аскаронро зиёд кардан маъное надорад. Бишкекро аз ки муҳофизат мекунем?» — гуфт Аламазбек Атамбоев рӯзи шанбе дар ҳамсӯҳбат бо хабарнигорон. «Агар дар хусуси оянда фикр кардани бошем, бояд дар навбати аввал дар хусуси муаммое, ки аз тарафи Афғонистон меояд фикр кунем. Дар онҷо Толибон пурзӯр шуда, ДИИШ низ аз ҳама ҷиҳат пурқувват мешавад», иброз намуд ӯ.
Дар натиҷа Атамбоев розӣ шуд, то ҳайъати низомиёни хориҷӣ ба минтақаи Қирғизистон дароянд: «Агар бихоҳем муҳофизат кунем, бояд сарҳади Қирғизистону Тоҷикистонро устувор кард. Ин раъйи асосии ман аст ва умедворам, ки сарварони минбаъдаи Қирғизистон ин роҳро давом медиҳанд». Инчунин Атамбоев хавотир будани худро изҳор намуда гуфт, ки агар Тоҷикистон бо Афғонистон ҳамсарҳад вазъиятро аз даст диҳад гӯё хатар ба сарҳади Қирғизистон меомадааст.
Ба ақидаи коршиносон хатари аз тарафи Афғонистон омада истода бофташуда буда, ҳамчун хӯса истифода бурда мешавад. Дар баробари ин, чунин амали маъюсонаи Атамбоев ҳамчун варианти хотимавӣ дар адои мӯҳлати президентияш фаҳмида мешавад. Ҳамин тавр кишвари худро тамоман ба ихтиёри Русия месупорад ва ба Кремл ҳамаи «калидҳои дарҳоро» тақдим мекунад.
