Додгоҳи Олии Ҷумҳурии Тоҷикистон: «бобои Дониёр гунаҳкор аст»

Додгоҳи Олии Ҷумҳурии Тоҷикистон: "бобои Дониёр гунаҳкор аст"

Раиси Додгоҳи олии Тоҷикистон гуфт, ки гуноҳи сокини 80-солаи ноҳияи Рӯдакӣ Дониёр Набиев, ки ба ҳафт сол маҳкум шудааст, дар додгоҳ собит шуд, менависад Радиои Озодӣ.

Раиси додгоҳ Шермуҳаммади Шоҳиён гуфт, “сокини деҳаи Гултеппаи ноҳияи Рӯдакӣ Дониёр Набиев дар ташкили фаъолияти созмони экстремистӣ мутобиқи моддаи 307.3 КҶ ҶТ гунаҳгор дониста шуд.  Калонсол будан шахсро аз ҷавобгарии ҷиноятӣ озод намекунад”, — таъкид кард Шоҳиён рӯзи 8-уми феврал дар як нишасти матбуотӣ дар Душанбе.

Раиси Додгоҳ изҳор намуд, ки Дониёр Набиев аз фаъолони Ҳизби Наҳзати Исломии Тоҷикистон (ҲНИТ), ки дар қаламрави кишвар мамнӯъ аст, маблағ гирифта, ба оилаҳои аъзоёни маҳкумшудаи ҳизби исломӣ интиқол менамуд.

Ёдрас мекунем, ки Дониёр Набиеви 80-сола 27-уми августи соли 2020 боздошт шуд ва 28-уми декабр додгоҳи ноҳияи Исмоили Сомонии шаҳри Душанбе ӯро барои «дастгирии моддӣ» ба наздикони маҳкумшудагон ба 7 соли зиндон маҳкум кард.  Мурофиа паси дарҳои баста сурат гирифт, Набиев ба гуноҳи худ иқрор шудааст ё на, то ҳол маълум нест.

Дар навбати худ, дар сегменти тоҷикии шабакаҳои иҷтимоӣ нисбати ҳукми Дониёр Набиеви 80-сола барои кӯмак ба оилаҳои маҳкумшудагон хашми мардуми тоҷик коҳиш намеёбад.

Поделиться ссылкой:

Хабарҳо

Портали иттилоотӣ-таҳлилии «Хабарҳо» барои таъмин намудани ҷомеа бо баҳогузории мустақил ва объективӣ аз воқеаҳое, ки дар саросари ҷаҳон, Осиёи Марказӣ дар умум ва хусусан дар Тоҷикистон рӯй медиҳад, тасмим гирифтааст. Инчунин портал дар назди худ вазифа гузошт, ки ба воқеаю ҳодисаҳое, ки вобаста бо Ислом ва мусулмонони тамоми ҷаҳон рӯйдиҳанда равшанӣ дарорад. Портали «Хабарҳо» бо блогерҳо, сиёсатшиносони мустақил ва бо коршиносони тамоми соҳа ва аз тамоми ҷаҳон, инчунин аз Тоҷикистон ҳамкорӣ мекунад. Дар кишварҳои Осиёи Марказӣ портали «Хабарҳо» манбаҳои мустақили хусусӣ дорад ва дар вақти нашр кардан манбаҳо барои тасдиқ ё инкор намудани воқеаҳо истифода бурда мешавад. Портали иттилоотӣ-таҳлилии “Хабарҳо” мустақил буда, бо ягон гурӯҳҳои мухолифин ё ҳокимиятҳои Осиёи Марказӣ ҳамкорӣ намекунад.

Добавить комментарий

Ваш адрес email не будет опубликован.

Этот сайт использует Akismet для борьбы со спамом. Узнайте, как обрабатываются ваши данные комментариев.