Раҳмон мадҳкунии худро зери танқид қарор гирифт
Мавҷуд будани таблиғот ва мадҳкунии раисҷумҳурро ба наздики президенти Тоҷикистон Эмомалӣ Раҳмон тасдиқ намуд. «Мутаассифона, ҳама аз шабакаи аввали телевизион шурӯъ карда бо мадҳкунии ҳукумат машғул ҳастанд. Чунин ҳолат ба назар мерасад, ки гӯё мо камбудӣ надорем ва ҳамаш хуб аст. Суханҳои ситоиш ва мадҳия бо тариқи телевизион ва радио ба давлат ва кишвар манфиате намеорад. Баръакс, бояд камбудиҳои мақомоти давлатиро ошкор сохт ва роҳҳои ҳалли камбудиҳои мазкурро ҷустуҷӯ намуд», иброз намуд Раҳмон дар кушодашавии студияи нави телевизионӣ дар вилояти Суғд.
Дар навбати худ, раиси шӯъбаи вилоятии Иттифоқи журналистони Тоҷикистон Илҳом Ҷамолиён ки дар вохӯрии бо президент иштирок кардааст тасдиқ намуд, ки аксарияти журналистон ҷуръат надоранд, то дар хусуси муаммоҳои муҳими минтақа бинависанду сухан гӯянд ва корҳои ҳукуматдоронро зери танқид қарор диҳанд.
Раиси иттиҳоди ВАОи мустақили Тоҷикистон Нуриддин Қаршибоев мепиндорад, ки баёноти раисҷумҳур Раҳмон худнамоӣ мебошад.
Котиби матбуоти раисҷумҳур Абдуфаттоҳ Шарифзода мадҳкунии шахсияти Раҳмонро чунин шарҳ медиҳад: «Барои он ки мардум ӯро аз таҳти дил дӯст медоранд», иброз намуд ӯ.
Бояд қайд намуд, ки имрӯзҳо дар хусуси Раҳмон, мансабдорон ва арбобони давлати Тоҷикистон 2 256 шеър навишта шудааст. Дар ҳамсӯҳбат бо хабарнигори «Хабарҳо» домулло Шокирхон аз Душанбе оиди мавзӯ чунин шарҳ дод:
«Мадҳкунии Раҳмон ҳатто дар масҷидҳо таблиғ карда мешавад, имом-хатибон ва мардуми кишвар маҷбуранд, ки сиёсати кунуниро дастгирӣ намоянд, вагарна онҳоро «хоини миллат» эълон мекунанд. Вале, ба ҳамагон маълум аст, ки як сокини кишвар аз ҷумла талабаи мактаб бошад ва ё донишҷӯи донишгоҳи таҳсилотӣ бо фармони касе ба режим содиқ буданашро бидуни хоҳиш изҳор мекунад. Оре, ҳастанд онҳое, ки Раҳмонро дастгирӣ менамоянд, аммо онҳо на аз мардуманд, балки якчанд мансабдорон ва фарзандони онҳо, инчунин соҳибкорони ба режим наздик мебошанд, ки Раҳмон ва наздиконаш онҳоро дастгирӣ менамоянд. Онҳое, ки Раҳмонро мадҳ мекунанд, бо мақсади ба даст овардани мукофот ва ё мансабдор шудан дар хадамотҳои қудратӣ ба режим содиқ будани худро намоиш медиҳанд”.
