Ҷаримаҳо барои ҳиҷоб дар Тоҷикистон

Дар қонунгузории Тоҷикистон барои пӯшидани либоси ғайримиллӣ ҷарима пешбини карда нашудааст ва ҳаракати баъзе намояндагони сохторҳои давлатӣ, ки имрӯз ба занон барои пӯшидани ҳиҷоб бо ҷаримаҳои калон таҳдид менамоянд,  ғайриқонунӣ ба ҳисоб меравад, хабар медиҳад ОИ «Азия-плюс» такя ба манбаи худ дар парлумони Тоҷикистон.

«Нормаи мазкур  шаҳрвандонро маҷбур мекунад, ки ба талабот риоя намоянд, вале барои риоя накардан аз тарафи қонунгузории кишвар ҷаримаҳо пешбини карда нашудааст», гуфта мешавад дар хабари оҷонсӣ.

Бо саволи мазкур «Хабарҳо» ба манбаи худ барои аниқ кардан муроҷиат намудааст, ки чи тавр дар амал Қонун «дар бораи ба танзим даровардани расму оинҳо ва ҷашнҳо» иҷро мегардад.

Мушоҳид Абдураҳмон Абдуллозода дар рафти ҳамсӯҳбат бо хабарнигорамон оиди вазъияти мазкур чунин шарҳ дод:

«Бале, дарҳақиқат ҳолате пайдо нагардидааст, ки касеро барои пӯшидани ҳиҷоб ҷарима баста бошанд. Вале таъқиби занон ба таври зайл қарор мегирад: намояндагони сохторҳои гуногун хона ба хона ва дар кӯчаҳо мегарданд, агар зане бо ҳиҷоб гузарад, ӯро боздошт намуда, то он даме ки ҳиҷобро бадар накунад раҳоӣ намекунанд. Дар акси ҳол, ӯро ба шӯъбаи полис мебаранд ва дар он ҷо ба зан фишори пурзӯртари рӯҳӣ мегузаронанд ва оиди дастгиршуда маълумотҳои пурра нависта мешавад. Ғайр аз ин ба ӯ бо ҷаримаҳои калон таҳдид менамоянд. Дар натиҷа аксарият занон маҷбур шуда, рӯймолҳояшонро бадар мекунанд».

Поделиться ссылкой:

Хабарҳо

Портали иттилоотӣ-таҳлилии «Хабарҳо» барои таъмин намудани ҷомеа бо баҳогузории мустақил ва объективӣ аз воқеаҳое, ки дар саросари ҷаҳон, Осиёи Марказӣ дар умум ва хусусан дар Тоҷикистон рӯй медиҳад, тасмим гирифтааст. Инчунин портал дар назди худ вазифа гузошт, ки ба воқеаю ҳодисаҳое, ки вобаста бо Ислом ва мусулмонони тамоми ҷаҳон рӯйдиҳанда равшанӣ дарорад. Портали «Хабарҳо» бо блогерҳо, сиёсатшиносони мустақил ва бо коршиносони тамоми соҳа ва аз тамоми ҷаҳон, инчунин аз Тоҷикистон ҳамкорӣ мекунад. Дар кишварҳои Осиёи Марказӣ портали «Хабарҳо» манбаҳои мустақили хусусӣ дорад ва дар вақти нашр кардан манбаҳо барои тасдиқ ё инкор намудани воқеаҳо истифода бурда мешавад. Портали иттилоотӣ-таҳлилии “Хабарҳо” мустақил буда, бо ягон гурӯҳҳои мухолифин ё ҳокимиятҳои Осиёи Марказӣ ҳамкорӣ намекунад.

Добавить комментарий

Ваш адрес email не будет опубликован.

Этот сайт использует Akismet для борьбы со спамом. Узнайте, как обрабатываются ваши данные комментариев.