Тафсилотҳои исёни зиндониҳои Хуҷанд
Баъзе тафсилотҳои исёни зиндони рақами 3/3 шаҳри Хуҷанд ки санаи 8-уми ноябри соли ҷорӣ рух дод мансабдорон ба ВАО тоҷик ошкор намуданд.
Оҷонсии иттилоотӣ «Азия-Плюс» ба манбаи номаълум дар прокуратураи ноҳия такя намуда иттило медиҳад, ки гӯё маҳкумшудагон дониста истода ба куштор даст заданд. «Пеш аз бардоштани исён онҳо ҷанозаи худро гузоштаанд, сипас бар зидди кормандони муассисаи ислоҳӣ ҷиҳод эълон намуданд», — мегӯяд манбаъ. Яъне, онҳо хуб медонистанд, ки ба марг мераванд».
Мушоҳидоне, ки аз ҳодисаи шуда гузашта воқифанд изҳор намуданд, ки ягона сабаби асосии фоҷиаи рух дода дар муассисаи ислоҳӣ ин муомилаи дурушти кормандони муассиса нисбати маҳкумшудагон мебошад.
Ёдрас мекунем, ки аввали моҳи ноябр дар муассисаи ислоҳии рақами 3/3 шаҳри Хуҷанд аз тарафи кормандони мақомоти қудратӣ куштори оммавӣ рух дод, ки дар натиҷа зиёда аз 50 нафар қурбониҳои куштори мазкур гардидаанд. Вале, ба бузургии фоҷиа нигоҳ накарда ВАО-и ҷаҳонӣ ва минтақавӣ ба он ҷалб карда нашуданд ва аз тарафи ягон қувваҳои сиёсӣ оиди фоҷиаи мазкур шарҳ ва ё эзоҳ дода нашудааст. Чи тавре ки таҳлилгарон мегӯянд, аз сабаби худсарии кормандони муассиса маҳкумшудагон маҷбур шуданд, ки барои ҳимояи ҳуқуқ ва номуси худ ба чунин кор даст заданд. Вале, режими Тоҷикистон барои пинҳон намудани сабабҳои аслии фоҷеаро, ҳодисаро ҳамчун исёни гурӯҳҳои ҷиҳодӣ,ки бо ДИИШ робита дошт эълон намуд.
