Тоҷикон дар флешмоби оммавӣ оиди манъи ҳиҷоб иштирок меварзанд
Дар қисми тоҷикзабони сомонаҳои иҷтимоӣ рӯзҳои гузашта оиди дифоъ аз ҳиҷоб, либоси исломии занон флешмоб-кампания густариш дода шуд. Кампанияи мазкур таҳти шиори «Бетараф набошед!» баргузор мегардад. Дар давоми якчанд рӯз аллакай аз сад зиёд муроҷиати видеоӣ аз тарафи шаҳрвандон нашр гардидааст, ки дар он муроҷиаткунандагон дифоъ аз ҳиҷоб кардаанд, ки яке аз фармонҳои асосии ислом мебошад. Инчунин дар наворҳои видеоӣ мардум аз болои режими дар Тоҷикистон буда шикоят намуда, аз қароре, ки ба занони ҳиҷобпӯш ва сатрдор даромадан ба идораву муассисаҳо, новобаста аз шакли моликияташон, манъ мекунад эътироз ва норозигии худро баён намудаанд. Ёдрас мекунем, ки дар аввали моҳи декабр барои кор карда баровардани лоиҳаи қонуни мазкур гурӯҳи корӣ таъсис дода шудааст.
Санаи 14-уми декабр намояндаи маркази миллии қонунгузорӣ дар ҳамсӯҳбат бо радиои Озодӣ нақл намуд, ки «бинобар қарори маъмурияти раисҷумҳур бар асоси пешниҳоди Кумитаи оид ба корҳои занон барои манъи вуруди занони ҳиҷобпӯш ва сатрдор ба идораву муассисаҳо, новобаста аз шакли моликияташон гурӯҳи кории байнихадамотӣ таъсис дода шудааст».
Ҷолиби диққат аст, ки дар флешмоб-кампания рӯз то рӯз иштирокчиён зиёд шуда, иқдоми мазкур вусъат меёбад. Асосан наворҳои видеоиро ҷавонони синну солашон аз 20 то 35 сола нашр менамоянд. Бинобар эълон намудани ҷанг аз тарафи режими Раҳмон алайҳи Ислом дар Тоҷикистон, ҷавонон бо эътино будани худро намоиш дода истодаанд.
