Дар Русия мусулмонро барои адои намоз ҷарима бастанд
Рӯзномаи «Комсомольская правда» оиди ҳодисае, ки санаи 23 июн дар шаҳри Рыбноеи вилояти Рязанск рӯӣ дода, хабар медиҳад. Як мусулмон дар бинои қаҳвахона адои намоз кардааст, ки ба атрофиён хуш наомадааст ва охирин ба намояндагони ҳифзи ҳуқуқ хабар додаанд. Дар натиҷа мусулмон аз тарафи додгоҳ барои вайрон кардани қонун дар бораи «Озодии виҷдон ва иттиҳодияҳои динӣ», барои фаолияти мубаллиғиаш дар ҷои номуносиб айбдор дониста шудааст. Мусулмони намоз гузоштаро тибқи ба ном «қонуни Яровой» ба ҷавобгарӣ кашиданд. Дар навбати худ ӯ танҳо оиди намоз гузориаш ва намояндаи гурӯҳ ё ташкилоти Исломӣ набуданашро эзоҳ додааст. Вале додгоҳ далели мусулмонро ба инобат нагирифт ва ба ӯ ҳамчун ҷазо ба миқдори 30 ҳазор рубл ҷарима таъйин намуд.
