Лаҳистон гурезаҳои сиёсиро боздод мекунад
Гурезаи сиёсии навбатӣ ки дар кишвари Лаҳистон қарор дорад, боздодшавии худро интизор мешавад. Шаҳрванди Ӯзбекистон Рустамбек Каримов таҳти фишорории хадамотҳои ҳифзи ҳуқуқ маҷбур шуд кишварро тарк намояд. Сабаби ҷалбшавии эътибори хадамотҳои қудратӣ ба Каримов тиҷорате, ки аз коркард намудани пӯсти гӯсфанд иборат буд, шудааст. Дар соли 1999 бо парвандаи бофташуда Каримовро пушти панҷара равон намуданд, ки дар зери фишори сахт номбурда маҷбур шуд, то ин ки ширкати худро ба касоне, ки мехостанд ба ширкати мазкур соҳиб гарданд ба номи онҳо имзо намуд. Чи тавре ки баъдан маълум шуд паси ҳамаи ин кор собиқ Вазири корҳои дохилӣ Зокир Алматов, ки мардум ӯро ҳамчун ҷаллоди Андиҷон мешиносанд истодааст. Соли 2001 пас аз баромадан ба озодӣ Каримов барои кофтани адолат ба ҳар сӯӣ медавид. Ин кори у сабаби фишорхои нав шуд. Дар соли 2004 Каримовро хадамотҳои қудратӣ барои гузаронидани пурсиш ба шӯъбаи милиса даъват намуданд ва шиносномаашро мусодира карда, нисбаташ парвандаи ҷиноии нави бофташуда оғоз намуданд. Пас аз ин Каримов ба кишвари Қирғизистон меравад ва дар онҷо то соли 2010 зиндагӣ ба сар мебарад. Дар ин давра хадамотҳои қудратии Ӯзбекистон якҷоя бо ҳамкорони қирғиз ғайриқонунӣ Каримовро аз ин кишвар берун бароварда, ба яке аз изоляторҳои муваққатии Ӯзбекистон ҷо менамоянд. Пас аз гузаштани ҳафт моҳ бо пардохти миқдори калони ришва ӯ ба озодӣ мебарояд, пас аз як моҳ боз бо ришва шиноснома мегирад ва аз кишвар берун мебарояд. Ҳамаи ин вақт ӯ дар қаламрави Лаҳистон хамчун чуяндаи панохгохи сиеси қарор дошт.
Ҳамчун истифодабарандаи фаъоли сомонаҳои иҷтимоӣ, алалхусус Фейсбук Каримов барандаи видеблог буд ва дар онҷо зери тахаллуси Рустам Карим режими Ислом Каримов ва режими кунунии Ӯзбекистонро зери танқид қарор медод.
Айни замон Рустам Каримов дар яке аз лагерҳои муҳоҷиратии Лаҳистон қарор дошта, аз як макон ба макони дигар ҳуқуқи рафтан надорад ва тибқи гуфтаҳои кормандони хадамоти муҳоҷиратӣ ӯ ба Ӯзбекистон боздод хоҳад шуд.
Дар Ӯзбекистон Рустам Каримов ба тазйиқҳо гирифтор шудааст. Далелҳои тазйиқ дар муассисаи СММ вуҷуд дорад, ки дар он воқеъи тазйиқ қайд шудааст. Ба таври аниқ метавон гуфт, ки ӯро дар Ӯзбекистон шиканҷаҳо ва мӯҳлати дарози ҳабс интизор аст.
Санаи 15-уми январ дар назди бинои сафорати Лаҳистон дар шаҳри Киев намоиши эътирозӣ барои дастгирии Рустам Каримов баргузор гардид. Намоишгарон аз ҳукумати Лаҳистон талаб намуданд, ки номбурдаро ба режими Ӯзбекистон боздод накунанд.
Бояд қайд намуд, ки ҳолати боздод намудани гурезаҳо ба кишварҳои ситамкор якумин маротиба нест. То ҳол тақдири блогери чечен Тумсо Абдураҳмонов ҳалли худро наёфтааст, ки ӯ низ боздодшавии худро ба Русия интизор аст. Номбурдаро дар танқиди ҳукумати Чеченистон бо парвандаи бофташуда дар алоқа доштан бо ташкилоти Давлати Исломӣ айбдор мекунанд.
