Facebook: Русия дар сомонаҳои иҷтимоӣ Раҳмон ва Мирзиёевро таъриф менамуд
Санаи 17-уми январ маъмурияти сомонаи Facebook иброз намуд, ки 300 адад аккаунт ва саҳифаҳоро дар Facebook ва Instagram дур намудааст. Саҳифаҳои мазкур аз тарафи лоиҳаи кремли русӣ «Русия имрӯз» ва оҷонсии русӣ Sputnik, ки ба лоиҳаи мазкур мутааллиқ мебошад ва барои паҳн намудани маълумотҳои бардурӯғ дар кишварҳои собиқ Иттиҳоди Шӯравӣ истифода бурда шудааст, иттило медиҳад centralasian.org.
Ҳамаи ин аз кишварҳои дигар карда мешуд. Масалан, дар Русия саҳифае кушода шудааст, ки ба президент Раҳмон бахшида шудааст. Саҳифаи дигаре ҳарчанд гуфта мешуд, ки гӯё аз ҷониби тарафдорони Шавкат Мирзиёев идора мешавад, вале феълан бошад аз ҷониби Русия идора мешавад, гуфта шудааст дар баеноти сомонаи иҷтимоӣ. Санаи 10-уми октябри соли 2017 айнан чунин саҳифаҳо дар Facebook барои кишварҳои Гурҷистон, Арманистон, Латвия, Литва, Эстония, Қирғизистон, Тоҷикистон ва Чеченистон кушода шудааст. Дар саҳифаҳои мазкур хабарҳои оҷонсии Sputnik нашр гардидааст, ки асосан аз ташвиқот ва хабарҳои бардурӯғи русӣ иборат мебошад. Инчунин дар баеноти Facebook қайд шудааст шахсоне, ки мансубияти худро ба оҷонсии Sputnik инкор мекарданд, ба манбаи мустақил будани худ изҳор менамуданд ва мехостанд тухми адоватро дар кишварҳои хабар паҳн шуда бикошанд. Идорашавии саҳифаҳои мазкур аз тарафи «Оҷонсии тадқиқоти-интернетӣ» ба амал бароварда мешуд ва онро «Фабрикаи тролҳои русӣ» меноманд, ки аз ҷониби соҳибкор Евгений Пригожин маблағгузорӣ карда мешавад. Мақсади асосии оҷонсии мазкур паҳн намудани маълумотҳои бардурӯғ барои пешбурдани манфиатҳои Русия бо тариқи сомонаҳои Facebook, Google ва Twitter мебошад.
Мушоҳидон қайд мекунанд, ки ташкилоти ба Кремл тобеъ буда диктаторони осиёиро бидуни манфиат таъриф намекунад. Кишвари Русия одатан бо роҳҳои гуногун кӯшиш мекунад нуфузи худро дар кишварҳои Осиёи Миёна боқӣ гузорад. Аз ин рӯ, боқӣ мондани ҳукумати диктаторон дар сари қудрат барои Русия хеле манфиатовар аст. Зеро диктаторон барои боқӣ мондан дар сари қудрат ва барои хомӯш кардани бедории исломӣ дар минтақаҳо ба ҳама чиз тайёр мебошанд.
