Донишҷӯёни туркманро аз худи фурудгоҳ ба хизмати ҳарбӣ мебаранд
Чор донишҷӯи дигаре, ки барои таътил намудан ба Туркманистон баргаштанд аз худи фурудгоҳ рост ба хизмати ҳарбӣ ирсол гардидаанд, дар ин хусус ОИ «Хроника Туркменистана» иттило медиҳад.
Ҷавонон шаби 1-уми июн аз кишвари Туркия бо ҳавопаймо ба Туркманистон меоянд. Ду нафари онҳо аз Байрамалӣ, ду нафари дигар бошад аз вилояти Лебап мебошанд. Дар фурудгоҳи байналхалқии шаҳри Ашқобод онҳоро волидайнашон пешвозгирӣ баромаданд, вале мунтазир шуда натавонистанд.
Санаи 3-уми июн пас аз муроҷиат ба ҳамаи мақомотҳо, волидайн бо воситаи шиносҳо муайян намуданд, ки фарзандони онҳо дар минтақаи горнизони ҳарбии шаҳри Ашқобод ҳамчун нав омадагон қарор доранд. Ҷавононро дар шӯъбаи канораҷӯёни хизмати ҳарбӣ ҷойгир намуданд.
Дар фурудгоҳ пас аз гузаштани назорати шиносномавӣ онҳоро барои пурсиш гузаронӣ мебаранд, ки якчанд соат тӯл мекашад. Пас аз гузаронидани пурсиш афсари рутбадори горнизони ҳарбии шаҳри Ашқобод изҳор намуд, ки ҷавонон ба сафи қувваҳои мусаллаҳ даъват шудаанд.
Ин аллакай маротибаи якум нест, ки пас аз баргаштан ба таътил гузаронӣ донишҷӯёнро ба хизмати ҳарбӣ ирсол менамоянд, айнан ҳодисаи монанд дар моҳи майи соли ҷорӣ рӯй додааст, ки аз худи фурудгоҳ донишҷӯро ки аз Маскав баргаштааст ба хизмати ҳарбӣ ирсол намуданд.
