Хитоиҳо литсензияи навбатии оиди коркарди кони тилло дар Тоҷикистонро ба даст дароварданд
Ба ширкати навбатии Хитойи «TBEA Душанбе саноати кӯҳӣ» иҷозаи коркарди кони тиллои «Кумарги Боло» дода шудааст, хабар медиҳад оҷонсии иттилоотии «Авеста» такя ба манбаи худ дар «Саридораи геологияи назди ҳукумати ҶТ».
«Пас аз гирифтани иҷозатнома ширкати Чинӣ барои коркарди кони тилло шурӯъ мекунад», қайд намуд манба дар Саридораи геологияи назди ҳукумати ҶТ.
Инчунин ӯ гуфт: «Қайд намудан зарур аст ки ширкати Чинӣ TBEA бо истифода аз технологияҳои нав корҳои тадқиқотии геологӣ гузаронидааст. Аз ин лиҳоз дар рафти коркарди кон ширкати зерин технологияи муосирро истифода мебарад, ки бо ченаки дақиқи воло таркиби маъданро ва инчунин дигар боигариҳои зери заминиро низ муайян мекунад.
Ба гуфтаҳои манба, ба дастории иҷозатнома барои коркарди кон сохтмони фабрикаи тозакунӣ ва коркарди маъданро низ дарбар мегирад.
Тибқи иттилои геологони тоҷик, аз рӯи ҳисоби пешакӣ захираи тилло дар кони «Кумарги Боло» 50 тоннаро ташкил медиҳад.
Инчунин қайд кардан зарур аст, ки дар кони зерин ғайр аз тилло дигар минералҳои қимматбаҳо низ вуҷуд дорад, ки ширкати Чинӣ онро низ коркард мекунад.
Мушоҳидон қайд мекунанд, ки ғасб намудани конҳои боигариҳои Тоҷикистон аз тарафи ширкатҳои Чинӣ афзоиш меёбад. Алҳол аз нисф зиёд коркардҳои тилло дар Тоҷикистон ба ширкатҳои Чинӣ мутааллиқ мебошад. Ғайр аз ин дигар ширкатҳои аҷнабӣ мавҷуд аст, ки бо иҷозати Раҳмон боигариҳои қаъри заминие, ки ҳаққи Уммат мебошад ғорат мекунанд.
