Шӯрои Уламои Тоҷикистон сохтмончиёни ГЭС-и Роғунро аз рӯзадорӣ озод намуд

Шӯрои Уламои Тоҷикистон ба сохтмончиёни ГЭС-и Роғун дар моҳи Рамазон надоштани рӯзаро тавсия намуд. Фатвои мазкур пас аз ташрифи намояндагони Шӯрои Уламо ба ГЭС-и Роғун баромад.

Ҷойнишини раиси Шӯрои Уламои маркази исломии Тоҷикистон Усмоналӣ Нуров санаи 21-уми маӣ ба радиои Озодӣ иброз намуд, ки фатвои мазкур аз ҷониби муфтӣ Саидмукаррам Абдуқодирзода дар асоси ҳукми шаръӣ баррасӣ шудааст, вале бо вуҷуди ин фатвои мазкур бар асоси кадом қонуни шаръӣ, яъне бар асоси кадом ояти Қуръон ва ё аҳодис баррасӣ шудааст гуфта намешавад.

«Вақте, ки мо ба майдони сохтмони нерӯгоҳи Роғун ташриф овардем ва нақби онро зиёрат намудем, мутмаин гаштем, ки дар шароити гармоии сахт ва дуднокӣ, инчунин дар шароити душворӣ дар қаъри замин бо масоҳати 300 метр кору фаъолият намудан хеле вазнин буда, риоя намудани рӯзадорӣ дар ин ҳолат ғайриимкон мебошад».

Аз ҷониби муфтӣ фатво бароварда шуд ва коргарон аз он воқиф гаштанд.

«Сохтмончиён метавонанд дар вақти имконият пайдо гардида рӯзаашонро бигиранд».

Бояд қайд намуд, ки дар моҳи Рамазон рӯза гирифтан ба ҳамаи мусулмонони ба сини балоғат расида ғайр аз мусофир,  занони шир диҳанда, ҳомиладорон, маъриз, пиронсолон, инчунин занҳои ҳайз дида ва дар холати хунравӣ пас аз таваллуд намудан, фарз мебошад ва оиди ин масъала дар назди мазҳабҳо ихтилофе вуҷуд надорад.

Ёдрас мекунем, ки каме пеш раисҷумҳури Тоҷикистон Эмомалӣ Раҳмон дар баромади худ бахшида ба фарорасии моҳи Рамазон бо намояндагони ҳам ҷамъият, ки санаи 12-уми маӣ баргузор гардид, иброз намуда буд, ки деҳқонон ва сохтмончиёни нерӯгоҳи Роғун аз рӯзадорӣ озод мебошанд.

Поделиться ссылкой:

Хабарҳо

Портали иттилоотӣ-таҳлилии «Хабарҳо» барои таъмин намудани ҷомеа бо баҳогузории мустақил ва объективӣ аз воқеаҳое, ки дар саросари ҷаҳон, Осиёи Марказӣ дар умум ва хусусан дар Тоҷикистон рӯй медиҳад, тасмим гирифтааст. Инчунин портал дар назди худ вазифа гузошт, ки ба воқеаю ҳодисаҳое, ки вобаста бо Ислом ва мусулмонони тамоми ҷаҳон рӯйдиҳанда равшанӣ дарорад. Портали «Хабарҳо» бо блогерҳо, сиёсатшиносони мустақил ва бо коршиносони тамоми соҳа ва аз тамоми ҷаҳон, инчунин аз Тоҷикистон ҳамкорӣ мекунад. Дар кишварҳои Осиёи Марказӣ портали «Хабарҳо» манбаҳои мустақили хусусӣ дорад ва дар вақти нашр кардан манбаҳо барои тасдиқ ё инкор намудани воқеаҳо истифода бурда мешавад. Портали иттилоотӣ-таҳлилии “Хабарҳо” мустақил буда, бо ягон гурӯҳҳои мухолифин ё ҳокимиятҳои Осиёи Марказӣ ҳамкорӣ намекунад.

Добавить комментарий

Ваш адрес email не будет опубликован.

Этот сайт использует Akismet для борьбы со спамом. Узнайте, как обрабатываются ваши данные комментариев.