Дар пойтахти Ӯзбекистон ҷинояткорони потенсиалиро муайян намуданд
Кумитаи занони Ӯзбекистон рӯйхати занҳои ғайри мӯътамади сокинони шаҳри Тошкандро тартиб доданд, ки дар он 23 намуди занҳои ба ҷиноят содир кардан тобеъ буда дохил мешаванд. Дар рӯйхати ғайри мӯътамад аз ҷумла занҳое, ки ба содир намудани ҷиноят тобе буда, замони дароз дар кишвар набуда, пас аз замони дароз ба ватан баргашта, ба дастгирии рӯҳӣ эҳтиёҷ доштагон, ба тарбияи фарзанд таъсири манфӣ доштагон, дар оила ҳолати ғайрисолим доштагон, оилаҳои ба ҷудошавӣ наздик будагон, занҳои бекор, камдаромад, муваққатан дар шаҳри Тошканд зистагон, инчунин занҳое, ки бидуни қайд зист мекунанд, ноболиғон (то синни 18 солагӣ) ва духтарҳои ҷавон (аз синни 18 то 30 солагӣ), занҳои маъюб, ҷудошудагон ва модарони танҳо дохил шудаанд.
Чи тавре ки хадамоти матбуотии ҳокимияти шаҳри Тошканд иттило додааст, чунин қарор дар натиҷаи вохӯриҳое, ки санаи 20-ум 27-уми июл бо сокинони тамоми ноҳияҳои пойтахт баргузор шуда буд, қабул гардидааст. Дар ҷамъомадҳо муовини ҳокими шаҳр, сардори шӯъбаи шаҳрии Кумитаи занон Дилбар Наҷмиддинова раиси кард. Дар натиҷаи вохӯриҳо қарор қабул шудааст, ки гурӯҳҳои корӣ оиди воқиф намудани ҷиноятҳои занон ташкил шудааст, ки дар он кормандони ҳифзи ҳуқуқ ва мутахассисони Кумитаи занон дохил мешаванд. Дар айни замон хабари мазкур фазои интернети Ӯзбекистонро ба ларза овард, ташаббуси мазкурро дар сомонаҳои иҷтимоӣ ба танқиди сахт қарор доданд. Истифодабарандагони Facebook ва Instagram флэшмоб таҳти хештеги #занипурхатарнок ҷорӣ намуданд.
