Табрикоти Иди Қурбон!
«Аллоҳу акбар, Аллоҳу акбар, ла илаҳа илла Ллоҳу, Аллоҳу акбар, Аллоҳу акбар, ва ли Ллаҳил-ҳамд».
Портали иттилоотӣ-таҳлилии Хабарҳо тамоми мардумони Осиёи Марказӣ, хусусан мардуми мусулмони Тоҷикистон ва мусулмонони тамоми ҷаҳонро бо Иди бузург Иди Қурбон табрику таҳният мекунад!
Аз Аллоҳи меҳрубон дуо карда мепурсем, ки қурбониҳоятонро қабул намояд ва тамоми гуноҳҳоятонро биомурзад. Ин рӯзи муборак рӯзест, ки дар он барои хушнудии Аллоҳи мутаъол аз чизи дӯстдоштаи худ қурбонӣ намуда, мусалмонон ба фармонҳои Аллоҳ итоат менамоянд.
Ҳарчанд имрӯз мусулмонон байни худ бо марзҳои сунъии гуногун тақсим шуда бошанд ҳам, ба ҳар ҳол онҳо дар қуҷое набошанд ҷашн намудани идро дар як вақт таҷлил менамоянд. Ин ҳам бошад як бори дигар нишон медиҳад, ки онҳо пайрави дини Ислом ҳастанду ба ӯ содиқ мебошанд.
Аз Аллоҳ дуо карда мепурсем, ки мардуми моро ба роҳи рост ҳидоят намуда, ба санҷишое, ки ба сараш омадааст бо сабр ва устуворӣ пушти сар намояд.
Бо эҳтиром,
Таҳририяти портали иттилоотӣ-таҳлилии Хабарҳо
