Давлати Исломӣ ҳамлаи посбонгоҳи сарҳадиро ба ӯҳда гирифт
Ташкилоти Давлати Исломӣ ҳамлаи посбонгоҳи сарҳадии Ишқободро ки 6-уми ноябр карда шудааст ба ӯҳда гирифт. Чи тавре ки портали ташкилот SITE Intelligence Group иттило медиҳад, баёнияи мутобиқшудаи ДИ санаи 8-уми ноябр аз ҷониби оҷонсии Amaq паҳн гардид.
Дар баёнияи ДИ аз ҷумла дар хусуси 10 сарҳадбони кушташуда дар натиҷаи ҳамла гуфта шудааст. Вале дар баёноти расмии ҳукумати Тоҷикистон дар хусуси ду кушташуда — сарҳадбон Изатулло Латифов ва корманди ВКД Баҳром Қосимзода гуфта шудааст.
Ба ақидаи мушоҳидон, баёнияи бамавриди ДИ дар хусуси гузаронидани ҳамла ба посбонгоҳ ба манфиати ҳукумат рост меояд, вале он ба таври ҷиддӣ қабул карда намешавад, зеро умуман гурӯҳҳои ҷиҳодӣ, хусусан ташкилоти мазкур якчанд маротиба бо баёнияи бардурӯғ оиди ба ӯҳдагирии қазияҳои мазкур қайд шудааст. Масалан, соли 2009 гурӯҳи Риёзи Солеҳин садамаи НБО русии Саяно-Шушинскро ба ӯҳда гирифта буд. Ба ақидаи коршиносон, гурӯҳҳои низомӣ кӯшиш мекунанд ба амалиёти накардаашон соҳиби эътибор гарданд, дар натиҷа ба манфиати хадамотҳои махсус ва ё рижимҳои худкома ки бо мақсадҳои сиёсӣ амалиётҳои террористӣ ташкил мекунанд, нақш мебозанд.
