Дар Тоҷикистон дастгиркуниҳо идома дорад
Дастгиркуниҳои оммавӣ бо гумонбарии иштирок доштан дар ҳаракати исломии Ихвонул-муслимин дар қаламрави Тоҷикистон идома дорад. Шумораи дастгиршудагон аллакай ба 70 нафар расидааст, дар ин хусус радиои Озодӣ ба манбаи худ такя карда иттило медиҳад.
Як манбаъ дар мақомоти ҳифзи ҳуқуқи Тоҷикистон 20-уми январ хабар додааст, ки шумораи дастгиршудагони бо айби алоқамандӣ ба ҳаракати исломӣ афзоиш ёфтааст. Нисбати ҳамаи дастгиршудагон парвандаҳои ҷиноӣ бо моддаи 307, 3 КҶ ҶТ ки ба мӯҳлати аз 5 то 10 соли маҳрумият аз озодӣ дар назар дошта шудааст, оғоз гардид.
Ёдрас мекунем, ки каме пештар дар якчанд шаҳрҳои кишвар дастгиркуниҳои оммавӣ шурӯъ гардида буд, ки дар натиҷа 27 нафар бо гумони иштирок доштан дар ҳаракати исломии Ихвонул-муслимин дастгир гардидаанд. Баъдан аён гардид, ки дар миёни дастгиршудагон одамони соҳибнуфузи кишвар — омӯзгорони донишгоҳҳо, Имом-хатибон, сардори дастгоҳи раиси шаҳри Исфара ва ғайра қарор доранд.
