OCCRP бизнеси навбатии клани Раҳмонро кашф намуд
Наздикони раисҷумҳур Эмомалӣ Раҳмон дар кишвар соҳиби якчанд истироҳатгоҳҳои дабдабанок ва ширкатҳои истихроҷи маъдан ҳастанд: чунин маълумотҳо дар тафтишоти Маркази хабарнигорӣ оиди тадқиқоти коррупсия ва ҷинояти муташаккили OCCRP ҷойгир шудааст. Сухан дар бораи клани Соҳибовҳо меравад. Ду аъзои ин оила — Маҳмадзоир Соҳибов ва ҷиянаш Шамсулло Соҳибов бо ду духтари раисҷумҳур Раҳмон оиладор ҳастанд, бародарон Зайнулло ва Нарзулло барои харидорӣ ва таъмир намудани санаторияҳо ва курортҳои Тоҷикистон фаъолона иштирок меварзанд. Шамсулло Соҳибови 40 сола ширкати «Фароз»- ро идора мекунад: ширкати мазкур дар соҳаи истеҳсоли нафт ва дигар намуди маҳсулоти хом кору фаъолият мекунад, соҳиби терминалҳои гумрукӣ буда, дар соҳаи бонкдорӣ дорои ҳисса ҳаст ва соҳиби якчанд мактаби ронандагӣ мебошад. Дар соли 2015 ширкати «Фароз» бо нархи хеле гарон замини курорти лижаронии ягона дар Тоҷикистон «Сафед-Дара» ки 55 км дуртар аз пойтахт ҷойгир аст соҳиб гардид. Пас аз як сол дар маросими кушодашавии курорти мазкур раисҷумҳур Эмомалӣ Раҳмон барои амалигардонии лоиҳаи зерин «соҳибкори-ватанпарвар» — ро номашро ифшо накарда миннатдорӣ изҳор намуд. Дар соли 2018 бошад ҳукумати Тоҷикистон барои соҳаи сайёҳӣ, инчунин барои курорти лижаронӣ пакети имтиёзҳои андозиро қабул намуд. Бародари Шамсулло Соҳибов, Нарзулло Соҳибов ба ширкати «Сомон-Суғд» роҳбарӣ мекунад, ки ду додарарӯси Раҳмон: Ҳасан Асадуллозода ва Амонулло Саъдуллоев соҳиб ҳастанд. То ба ин дам Саъдуллоев дар шаҳри Қӯрғонтеппа «Хатҳои қувваи барқи ҷанубиро» роҳбарӣ мекард, Асадуллозода бошад соҳиби яке аз бузургтарин бонкҳо, инчунин заводи алюминӣ ва яке аз калонтарин ширкати ҳавопаймоии кишвар «Сомон Эйр» соҳиб мебошад.
Таҳлилгарон қайд мекунанд, ки дар маърӯзаи мазкур танҳо дар хусуси бизнеси якчанд ашхоси клани Раҳмон ки шумораи он на даҳҳо, балки садҳо нафар дар қаламрави кишвар мебошад ёдрас шудааст, ки ҳар яки онҳо мувофиқи статуси худ дар клан ин ё он қисми бизнесро дар кишвар соҳиби мекунад. Инчунин қайд шудааст, ки аксари аъзоёни клани мазкур аллакай якчанд соҳаи бизнесро дар Тоҷикистон монополия кардаанд.
