Дар Ӯзбекистон мубориза алайҳи Ислом идома дорад
Бо омадани Шавкат Мирзиёев ба сари қудрат пас аз вафоти мустабид И. Каримов дар ҷумҳурияти Ӯзбекистон аксарият сокинони аҳолӣ умедвор буданд, ки вазъият дар кишвар ба таври зайл тағйир меёбад, хусусан нисбати Ислом. Вале чи тавре ки вақт нишон дод, самти сиёсати мустабиди нав нисбати Ислом аз сиёсати Каримов ягон фарқияте надорад.
Режими Мирзиёев ҳамлаҳои худро нисбати Ислом ва қадриятҳои он идома дода истодааст. Ҳамин тавр санаи 15 июн президент ба тариқи тамоси видеои бо имом-хатибони дарбории ӯзбек оиди мавзӯъи бисёрзани дар Ислом машварат гузаронд.
«Мӯҳтарам имом-хатибон, оё шумо дарк мекунед, ки бо хондани никоҳ бе тафтиши санад аз тарафи қайди ақди никоҳи шаҳрванди ба ҷомеа чи қадар муаммоҳо ва бадбахтиҳоро меоред? — хашмгин шуд Мирзиёев ва қайд намуд, ки дар кишвар ҳолатҳои бисёрзани афзоиш ёфта истодааст.
Мирзиёев ваъда дод, ки имом-хатибоне ки бо дуюм зан никоҳ мехонанд дар назди қонун ҷавоб хоҳанд дод. «Барои пешгирии чунин амалҳои бетартиби, мо лоиҳаи қонун қабул хоҳем кард. Ҳар як муллое, ки бе шаҳодатномаи ақди никоҳи шаҳрванди «никоҳ» мехонад, ҷазо дода мешавад, — иброз намуд ӯ.
Ҳамоно пас аз машварати президент дар эфири каналҳои телевизиёни барномаҳои сарзаниш кунандаи бисёрзани намоиш дода шуд. Дар яке аз чунин барномаҳои телевизиони Ӯзбекистон имоми масҷиди «Аклан» Исомиддин Аҳроров баромад карда муллоҳоеро, ки бо ду, се ва бо чор зан берун аз Ӯзбекистон никоҳ мехонанд сахт сарзаниш намуда, кирдорҳои онҳоро берун аз шариат хонд.
«Қуръон моро водор месозад, ки ба Аллоҳ, ба паёмбараш (с) ва ба соҳибони қудрат дар байни худ итоат намоем. Бинобар он ки мо дар Ӯзбекистон зиндаги ба сар мебарем, дар масъалаҳои зерин бояд ба Маъмурияти Рӯҳонии Мусулмонони Ӯзбекистон итоат намоем», — иброз намуд ӯ.
Инчунин ба духтароне, ки хоҳиши дохил шудан ба донишгоҳ доранд, ҳамлаҳо идома дорад. Маъмурияти донишгоҳҳо аз онҳо талаб мекунанд, ки агар дохил шудан бихоҳанд бояд ҳиҷобро бадар кунанд, ё ин ки рӯймолро ба пушти сар гиреҳ бубанданд, дар акси ҳол қабул карда намешаванд. Дар ин хусус шӯъбаи радиои «Озодӣ»-и Ӯзбекистон хабар дод.
Хабар дар хусуси поймолкунни ҳуқуқ хоссатан аз Донишгоҳи омӯзгории давлатии Қӯқанд ба вуқӯъ пайваст. Тибқи гуфтаҳои манба, ки ба «Озодӣ» хабар додааст, духтароне ки орзуи донишҷӯ шудан доштанд маҷбур шуданд талаботи маъмурияти донишгоҳро риоя намоянд. Инчунин тибқи иттилои шӯъбаи Би-би-сӣ ӯзбекӣ дар Донишгоҳи давлатии Андиҷон низ имсол ба довталабони ҳиҷобпӯш барои қабули санадҳои лозима изҳори рад намуданд. Намояндагони ин донишгоҳ маълумоти зеринро тасдиқ карда гуфтанд, ки супоришро аз Тошканд гирифтаанд. Маълумоти зеринро дар аксарият паёмҳои сомонаи иҷтимоии фейсбуки «Озодӣ» низ гуфта шудааст: сокинони Ӯзбекистон мегӯянд, ки дар аксарият донишгоҳҳо ба довталабони ҳиҷобпӯш барои қабули санадҳои лозима ҷавоби рад додаанд.
