Кашмакаши бо феминале дар Қирғизистон

Кашмакаши бо феминале дар Қирғизистон

Дар шаҳри Бишкек феминалеи якуми маданияти ғарб баргузор гардид. Дар давоми 17 рӯз дар осорхонаи санъати тасвирии миллии Қирғизистон ба номи Гапар Айтиев намоиши пурвусъат бо корҳои 56 рассомон аз 22 кишвар кушода шуд.

Мақсади маъракаи мазкур ҷалб намудани диққат ба гӯён вуҷуд доштани маҳдудкунии ҳуқуқи занон ва ташвиқоти баробарҳуқуқии ҷинсҳо мебошад.

Бояд қайд намуд, ки феминале табиист, ки аз тарафи ҷомеа вокуниши манфии хушунатомезро пайдо кард, зеро дар маъракаи мазкур занҳои бараҳна иштирок доштанд. Аз ҷониби фаъолони ҷомеа барои ташкил намудани намоиши эътирозӣ алайҳи маъракаи мазкур кӯшишҳо карда шуд, вале додгоҳ аз 5-уми декабр то 1-уми январ гузаронидани намоиши эътирозиро манъ кард.

Хабарнигори мо барои шарҳи мавзӯ ба хабарнигор Перизат Қирғизбоева аз шаҳри Бишкек муроҷиат намуд, Перизат вазъиятро чунин шарҳ намуд:

«Ҳодисае, ки дар осорхона гӯён ҳамчун шинос кардани мардум бо санъати муосир ва ташвиқоти ҳуқуқи занон баргузор гардид, ин танҳо кӯшиши ҷорӣ намудани қадриятҳои ғарб, ҷаҳонбинии ғарб ба мардуми Қирғизистон мебошад. Ин боиси инъикоси васеъи ҷомеаро ба вуҷуд овард, дар сомонаҳои иҷтимоӣ нисбати ташаббускорон ва иштирокчиёни маъракаи мазкур танқидҳо ва норозигиҳо, аз ҷумла ба баъзе шахсони шинохта низ ба миён овард. Ин шоҳиди он гардид, ки нуқтаи назари ғарб ба мардуми мо бегона аст. Зеро мардуми мо маданият ва қадриятҳои худро дорад, ки аз дини Ислом сарчашма мегирад. Бо ин ҳама мушоҳида менамоем, ки қисми хурди ҷомеа бо намояндагии собиқ раисҷумҳур Роза Отунбоева, иштирокчиёни ҳаракатҳои феминистӣ, ҷамъиятҳои ЛГБТ, якчанд ташкилотҳои ғайридавлатӣ ва якчанд мансабдорон бо дастгир намудани феминалии мазкур баромад карданд ва бо ин худро ҳамчун роҳнамои ҷаҳонбинии ғарб ба ҷомеаи мо намоиш карданд. Хатар аз кадом тараф меояд мардум бояд бидонад. Зери калимаи хатар, қадриятҳои ғарб, нуқтаи назар, ҷаҳонбиние, ки ба таназзули ахлоқ ва фурӯравӣ меорад дар назар дорам, натиҷаи он ҷомеа ба тағйироти фундаменталӣ ва фалокати глобалӣ ба монанди, бӯҳронҳои иқтисодӣ, задухӯрдҳои мусаллаҳона, вабо, гуруснагӣ, қашшоқӣ ва ҳатто ба фалокати экологӣ низ гирифтор мешавад, ки чи тавре ки айни замон дар ғарб ва дар ҷаҳон мушоҳида менамоем».

Поделиться ссылкой:

Хабарҳо

Портали иттилоотӣ-таҳлилии «Хабарҳо» барои таъмин намудани ҷомеа бо баҳогузории мустақил ва объективӣ аз воқеаҳое, ки дар саросари ҷаҳон, Осиёи Марказӣ дар умум ва хусусан дар Тоҷикистон рӯй медиҳад, тасмим гирифтааст. Инчунин портал дар назди худ вазифа гузошт, ки ба воқеаю ҳодисаҳое, ки вобаста бо Ислом ва мусулмонони тамоми ҷаҳон рӯйдиҳанда равшанӣ дарорад. Портали «Хабарҳо» бо блогерҳо, сиёсатшиносони мустақил ва бо коршиносони тамоми соҳа ва аз тамоми ҷаҳон, инчунин аз Тоҷикистон ҳамкорӣ мекунад. Дар кишварҳои Осиёи Марказӣ портали «Хабарҳо» манбаҳои мустақили хусусӣ дорад ва дар вақти нашр кардан манбаҳо барои тасдиқ ё инкор намудани воқеаҳо истифода бурда мешавад. Портали иттилоотӣ-таҳлилии “Хабарҳо” мустақил буда, бо ягон гурӯҳҳои мухолифин ё ҳокимиятҳои Осиёи Марказӣ ҳамкорӣ намекунад.

Добавить комментарий

Ваш адрес email не будет опубликован.

Этот сайт использует Akismet для борьбы со спамом. Узнайте, как обрабатываются ваши данные комментариев.