Туркманистон: ба мардони синну солашон аз 40 боло фармон шудааст, ки сафедмӯй шаванд
Ҳадди навбатии бемаъниги дар Туркманистон аз тарафи режими Қурбонгули Бердимуҳамедов ба вуқуъ пайваст. Ҳамин тавр, аз 1-уми феврал ба кормандони муассисаҳои давлатӣ ва корхонаҳои вилояти Лебап, ки синнусолашон аз 40 боло аст, ранг кардани мӯйҳояшон ба ранги сиёҳ манъ карда шуд. Гузашта аз ин, онҳое, ки ранги мӯйҳояшон табиӣ бо ранги торик бо синну сол боқӣ мондааст, ӯҳдадоранд ба онҳо ранги сафед диҳанд, хабар медиҳад радиои Азатлык. Қонуни нави махфӣ бо сафедмӯй шудани президенти кишвар, ки пештар мӯйҳояшро ранг мекард, маънидод мешавад. Тибқи иттилои «Хроника Туркменистана», сокинон аз ин навоварӣ норозӣ ҳастанд, зеро қаблан, Бердимуҳамедов мӯи худро ба ранги сиёҳ ранг мекард, онҳо маҷбур буданд, ки мӯйҳои сафеди худро зери ранг пинҳон кунанд, ҳоло бошад онҳо баръаксро талаб мекунанд.
Ёдрас мекунем, ки дар аввали соли 2018 мақомот аз соҳибони мошинҳои рангаш сиёҳ талаб карда буданд, ки ранги мошинҳои худро сафед кунанд. Сабаби қабули чунин қарор адоват доштани Қурбонгули Бердимуҳамедов ба ранги сиёҳ будааст, зеро ба ақидаи ӯ ранге, ки хушбахтӣ меорад ин ранги сафед мебошад. Ба ақидаи президент, сокинони Туркманистон, ки мошинҳои рангаш сиёҳ меронанд, ба кишвар мусибатҳо меоранд.
