Москва: тоҷикон ва ӯзбекҳо сокинони хонаи пиронсолонро аз сӯхтор берун карданд

Москва: тоҷикон ва ӯзбекҳо сокинони хонаи пиронсолонро аз сӯхтор берун карданд

Рӯзи 8 апрел дар яке аз хонаҳои пиронсолони шаҳри Москва сӯхтор ба амал омад. Чи тавре ки ОИ Спутник менависад, муҳоҷирони меҳнатӣ аз Осиёи Миёна, ки дар як хонаи ҳамсоя зиндагӣ мекарданд, аввалин шуда барои наҷот додани пиронсолон аз бинои сӯхтаистода кӯмак карданд.

Пеш аз омадани кормандони Вазорати ҳолатҳои фавқулода муҳоҷирон аз Тоҷикистон ва Ӯзбекистон сокинони пансионатро наҷот додаанд. Оташ босуръати тез паҳн мешуд ва ҳама чизро сонияҳо ҳал мекарданд. Муҳоҷирон аз пансионати мазкур беморони хобида ва шахсони дар аробаҳои маъюбӣ буданд, ки наметавонистанд худашон ҳаракат кунанд берун мебароварданд.

Муҳоҷири меҳнатӣ бо номи Ҷамшед ба хабарнигорон дар бораи рӯйдода нақл намуд: “Рӯзи 8-уми апрел, тақрибан соати 9-и бегоҳ таркишро шунида ба берун баромадем ва бинои сӯхташударо дидем ва барои наҷотдиҳӣ шитоб кардем, се нафари мо аз ошёнаи сеюм 7-8 нафарро кӯмак кардем».

Аммо, дар Сарраёсати Кумитаи тафтишотии Русия дар шаҳри Москва гуфтанд, ки дар кӯмак намудан баъзе «шаҳрвандони ғамхор» иштирок варзиданд, бидуни зикри он, ки онҳо муҳоҷирони меҳнатӣ буданд.

Ёдрас мекунем, ки ин бори аввал нест, ки мусулмонони кишварҳои Осиёи Марказӣ худро ба хатар партофта ва баъзан таҳдид ба ҷони худ ҷони мардуми Русияро наҷот медиҳанд. Масалан, ҳангоми сӯхтор дар маркази савдои «Зимняя вишня» — и шаҳри Кемерово шаҳрвандони тоҷик Маҳмуд ва Фарзон тақрибан 50 нафарро аз бинои сӯхта истода наҷот дода буданд.

Поделиться ссылкой:

Хабарҳо

Портали иттилоотӣ-таҳлилии «Хабарҳо» барои таъмин намудани ҷомеа бо баҳогузории мустақил ва объективӣ аз воқеаҳое, ки дар саросари ҷаҳон, Осиёи Марказӣ дар умум ва хусусан дар Тоҷикистон рӯй медиҳад, тасмим гирифтааст. Инчунин портал дар назди худ вазифа гузошт, ки ба воқеаю ҳодисаҳое, ки вобаста бо Ислом ва мусулмонони тамоми ҷаҳон рӯйдиҳанда равшанӣ дарорад. Портали «Хабарҳо» бо блогерҳо, сиёсатшиносони мустақил ва бо коршиносони тамоми соҳа ва аз тамоми ҷаҳон, инчунин аз Тоҷикистон ҳамкорӣ мекунад. Дар кишварҳои Осиёи Марказӣ портали «Хабарҳо» манбаҳои мустақили хусусӣ дорад ва дар вақти нашр кардан манбаҳо барои тасдиқ ё инкор намудани воқеаҳо истифода бурда мешавад. Портали иттилоотӣ-таҳлилии “Хабарҳо” мустақил буда, бо ягон гурӯҳҳои мухолифин ё ҳокимиятҳои Осиёи Марказӣ ҳамкорӣ намекунад.

Добавить комментарий

Ваш адрес email не будет опубликован.

Этот сайт использует Akismet для борьбы со спамом. Узнайте, как обрабатываются ваши данные комментариев.