Бердимуҳаммедов ба Сарқонун тағйирот медарорад
Президентҳои собиқи Туркманистон минбаъд аъзоёни якумраи Халқ Маслахатии (Шӯрои миллӣ) — палатаи болоии парлумони дупалатагӣ хоҳанд шуд, ки дар ин кишвар пас аз ислоҳоти мақомоти қонунгузорӣ таъсис дода мешавад. Пешниҳодҳои мазкур дар лоиҳаи тағйироти конститутсионӣ, ки Оҷонсии давлатии ахбори Туркманистон санаи 24-уми феврал нашр кардааст, мавҷуданд.
Тибқи лоиҳа, ҳар як собиқ президент пас аз тарк кардани мансаб, агар ӯ аз ин ҳуқуқ бо ихтиёри худ даст накашад. узви Халқ Маслахати шуда метавонад. Қаблан дар Сарқонуни Туркманистон сарнавишти президентҳои собиқ умуман зикр карда нашудааст.
Дар лоиҳаи таҳрири нави Сарқонун гуфта шудааст, ки вазифаҳои президентиро дар вақти иҷро карда натавонистани вазифаи президентӣ, вазифаи мазкурро бояд сардори Халк Маслахати иҷро намояд.
Ёдрас бояд кард, ки ворид кардани чунин тағйирот ба Сарқонуни кишвар барои режимҳои диктатории давлатҳои ИДМ воқеан мӯд шудааст. Масалан, собиқ президенти Қазоқистон Нурсултон Назарбоев расман дар соли 2019 истеъфо дод, дар асл, қудратро дар кишвар нигоҳ дошта, ҳамчун раиси Шӯрои Амният ва гӯён Пешвои миллат боқӣ монд. Президенти Тоҷикистон Раҳмон низ айнан ҳамин корро карда, дар соли 2016 кафолати дахлнопазирӣ ва мақоми Пешвои миллатро соҳиб гардид. Ва дар ниҳоят, яке аз намунаҳои охирин муроҷиати Президенти Русия Путин ба Маҷлиси Федеролӣ мебошад, ки ба ақидаи коршиносон, барои нигоҳ доштани қудрати худ пас аз соли 2024 чунин мувофиқкуниро ба нақша гирифт ва ин кор танҳо тавассути мақомоти Шӯрои давлатӣ ба нақша гирифта шудааст.
