• Home »
  • Habarho »
  • Дар Қирғизистон зулм нисбати диндорон идома дорад

Дар Қирғизистон зулм нисбати диндорон идома дорад

Ҳукумати Қирғизистон нақша дорад ба қонуни «дар бораи озодии виҷдон ва иттиҳодияиҳои динӣ» тағйиротҳо дарорад. Тибқи тағйиротҳо минбаъд ба кӯдакони ноболиғ танҳо бо ҳамроҳи ва бо рухсати волидайн ба масҷид рафтан иҷозат дода мешавад.

Ба гуфтаи ҷонишини директори комиссияи давлатӣ оид ба корҳои динии Қирғизистон Зокир Чотаев, «Дар ин соҳа масъулияти ҷавобгариро  бар ӯҳдаи намояндагони ташкилотҳои динӣ гузошта истодаем. Агар кӯдаки ноболиғ ба масҷид ояд, намояндагони ташкилотҳои динӣ бояд воқиф бошанд, ки оё кӯдак аз волидайн иҷозат гирифтааст ё на». Аз дигар ҷониб, волидайн низ барои иштироки фарзанди худ дар маросимҳои динӣ ҷавобгариро бояд бар ӯҳдаи худ бигиранд, инчунин маҳалли фарзандони худро бидонанд. Ҳолатҳое мешавад, ки кӯдакон аз дарс гурехта дар фаъолияти динӣ иштирок меварзанд», — охири иқтибос.

Инчунин, тибқи тағйиротҳои пешниҳодшуда ҳамаи таҳсилотгоҳҳои динӣ бояд литсензия ва сертификатсия гардонида шавад. Якумин маротиба дар қонун истилоҳи «ҳуҷраи намозгузорӣ» истифода бурда мешавад. 

Бояд қайд намуд, ки маҳз чунин қонун аллакай дар ҳамаи кишварҳои Осиёи Марказӣ вуҷуд дорад, ки таъқибкуни барои дин дар сатҳи баланд бурда мешавад. Ҷолиби диққат аст, ки қирғизистониҳо бо омадани бар сари қудрат раисҷумҳури нав Сооронбай Жээнбеков интизор буданд, ки режими раисҷумҳури нав нисбати воъизони мазлуми динӣ сиёсати сабуктарро пеш мегирад. Мутахассисон қайд мекунанд, ки интизори мардум бидуни ҷавоб хоҳад буд, ки касеро ба ҳайрат намегузорад. Зеро, Жээнбеков низ гумоштаи раисҷумҳури собиқ аст, ки дар пешбурдани манфиатҳои Русия дар Қирғизистон муваффақ гаштааст.