Ҳаҷми интиқоли маблағҳои муҳоҷирони меҳнатӣ ба сатҳи рекордӣ коҳиш ёфт
Дар аснои пандемияи ҷаҳонӣ, ҳаҷми интиқоли маблағҳои муҳоҷирони меҳнатӣ, ки дар Русия кору фаъолият мекунанд дар тӯли чанд соли охир ба сатҳи рекордӣ коҳиш ёфтааст.
Дар системаи пардохтҳои «Юнистрим» ҳаҷми интиқолҳо аз Русия дар муқоиса бо ҳамин давраи соли гузашта 35% фурӯ рафтааст — ин рақам ба таҳарруки умумии бозор мувофиқ аст, гуфт намояндаи система ба РБК. Дар системаи “Золотая Корона” бошад дар моҳи март ҳаҷми интиқол 30% кам шудааст ва дар моҳи апрел 50% коҳишёбӣ дар назар аст, менависад РБК бо истинод ба манбаи худ. Дар «Золотая Корона» фурӯравии трафикро тасдиқ карданд.
«Пандемия, бастани сарҳадот, боздоштани корхонаҳои савдо ва хидматрасонӣ ба коҳиш ёфтани ҳаҷми интиқоли пул таъсир расонданд», — мегӯяд коршинос ба хабарнигорони РБК. Ба гуфтаи ӯ, ин давра оғози мавсими корӣ барои муҳоҷирон аст: «Маҳз дар ин давра аксарияти муҳоҷирон барои кор кардани пул бармегарданд. Пандемия ин вазъро ба таври ҷиддӣ ислоҳ хоҳад кард ва коҳишёбии ҳаҷм аз ин вазъ ба вуҷуд хоҳад омад», — гуфт ӯ.
Ба ақидаи мушоҳидон, падидаи мушоҳидашуда метавонад вазъи мавҷудаи иҷтимоию иқтисодии Осиёи Марказиро боз ҳам шадидтар кунад ва аз ин рӯ, интизор меравад, ки вазъияти режимҳои кунунии фасодзада дар минтақа суст хоҳад шуд.
Ёдрас мекунем, ки интиқоли пул аз Русия ба Тоҷикистон нисфи ММД-и кишварро ташкил медиҳад. Тибқи маълумоти Бонки ҷаҳонӣ, Тоҷикистон аз рӯи ин нишондиҳанда дар ҷаҳон дар ҷои аввал аст ва Қирғизистон бо 32%-и ММД дар ҷои дуюм қарор дорад.
