Чин уйғурҳоро ҳамчун қувваи ғуломӣ истифода мебарад

Чин уйғурҳоро ҳамчун қувваи ғуломӣ истифода мебарад

Дар тӯли ду ҳафтаи охир дар шабакаҳои иҷтимоӣ навори видеоӣ аз Туркистони Шарқии истилошуда паҳн шудааст, ки дар он чӣ гуна мақомоти Чин уйғурҳо ва ҷавонони дигар миллатҳои мусулмонони туркзабонро ба ҳайси як ғулом истифода мекунад нашр шудааст, то ин ки ба рушди иқтисоди Чин ки пас аз фурӯравӣ аз сабаби коронавирус такон бубахшанд. Дар ин бора маҷаллаи BITTER WINTER, ки мушкилоти ҳуқуқи инсон ва ҳуқуқҳои динии онҳо дар Чинро дар бар мегирад иттило медиҳад.

Тибқи иттилои Идел Реалия бо истинод ба хабарнигори Радиои Осиёи Озод Алим Сейтофф, муҳоҷирати оммавии ҷавонони ин вилоят ба амалияи густарда дар Хитой баста шудани маҳаллаҳои аҳолинишин бо сабаби коронавирус, вақте ба дигар хитоиҳо иҷозати тарк кардани манзилашон дода нашудааст рост омад.

«Ин наворҳо дар замоне пайдо шуданд, ки коронавирус дар Чин ва дар саросари ҷаҳон паҳн шуд, ва ҳол он ки аксари ширкатҳои чинӣ баста будаанд ва касе кор намекард. Ва мо танҳо интиқоли оммавии коргарони уйғурро ба дигар қисматҳои Чин мушоҳида мекунем», -қайд мекунад хабарнигор.

Қаблан Донишкадаи сиёсати стратегии Австралия гузоришеро дар бораи истифодаи уйғурҳо ва дигар мусалмонони Шинҷон ҳамчун қувваи ғуломӣ нашр карда буд.

«Ҳукумати Чин ба интиқоли оммавии уйғурҳо ва намояндагони дигар ақаллиятҳои қавмӣ аз Шинҷон ба корхонаҳо дар саросари кишвар мусоидат кардааст. Дар шароите, ки меҳнати маҷбуриро талаб мекунад, уйғурҳо дар фабрикаҳое кор мекунанд, ки як қисми занҷири таъминоти ҳадди аққал 83 бренди маъруфи ҷаҳонӣ дар технология, либос ва мошинсозиро дарбар мегирад», — гуфта шудааст дар маърӯза.

Ба гуфтаи муаллифони маърӯза, дар солҳои 2017 ва 2019 беш аз 80 000 уйғур аз Шинҷон барои кор кардан дар фабрикаҳо дар саросари Чин интиқол дода шудаанд ва баъзеи онҳо мустақиман аз лагерҳои аз нав тарбиядиҳии мусулмонон фиристода шудаанд.

Ёдрас мекунем, ки тӯли чанд сол аст, ки мақомоти Чин сиёсати нобуд кардани уйғурҳоро дар қаламрави ишғолшудаи Туркистони Шарқӣ дар назди ҷомеаи ҷаҳонӣ пеш мебарад, дар ҳоле ки «Ҷомеаи байналмилалӣ» барои пешгирии ҷиноятҳои мақомоти Чин ҳеҷ чорае намеандешад.

Поделиться ссылкой:

Хабарҳо

Портали иттилоотӣ-таҳлилии «Хабарҳо» барои таъмин намудани ҷомеа бо баҳогузории мустақил ва объективӣ аз воқеаҳое, ки дар саросари ҷаҳон, Осиёи Марказӣ дар умум ва хусусан дар Тоҷикистон рӯй медиҳад, тасмим гирифтааст. Инчунин портал дар назди худ вазифа гузошт, ки ба воқеаю ҳодисаҳое, ки вобаста бо Ислом ва мусулмонони тамоми ҷаҳон рӯйдиҳанда равшанӣ дарорад. Портали «Хабарҳо» бо блогерҳо, сиёсатшиносони мустақил ва бо коршиносони тамоми соҳа ва аз тамоми ҷаҳон, инчунин аз Тоҷикистон ҳамкорӣ мекунад. Дар кишварҳои Осиёи Марказӣ портали «Хабарҳо» манбаҳои мустақили хусусӣ дорад ва дар вақти нашр кардан манбаҳо барои тасдиқ ё инкор намудани воқеаҳо истифода бурда мешавад. Портали иттилоотӣ-таҳлилии “Хабарҳо” мустақил буда, бо ягон гурӯҳҳои мухолифин ё ҳокимиятҳои Осиёи Марказӣ ҳамкорӣ намекунад.

Добавить комментарий

Ваш адрес email не будет опубликован.

Этот сайт использует Akismet для борьбы со спамом. Узнайте, как обрабатываются ваши данные комментариев.